Masalimo 144:1 - IBAYIBOLO 2024

¹ U Mwene apaliwanje, pakuti we lyalabwe lyane, yuyo azimanyisya inyobe zyane pakulwa ubwite, sona utufingwi twane pakulwa.

Masalimo 144:1 Iomraidhean Croise

2 Samuweli 22:35

Akuzimanyisya inyobe zyane pakulwa ubwite, umwakuti ningabombezya ubwele ubwa mukuba.

2 Abamwene 13:16

U Elisha akamubuzya akati, “Lema ubwele kunyobe zyako.” U Yehowashi akabomba ukuyana namumo akamubuzizya. Po u Elisha akabika inyobe zyache panyobe izya Yehowashi yula.

Masalimo 18:2

U Mwene we lyalabwe lyane we lilinga lyane, sona we mupoki wane. U Chala wane we lyalabwe lyane, mumo nkuponelamo. We ngulu yane ni mpembe yane, iya bupoki bwane, sona we lilinga lyane.

Masalimo 18:3

Nkumwitizya u Mwene pakuti amapalo ghamubaghiliye, po akumpoka munyobe izya balwani bane.

Masalimo 18:31

Pakuti ataliko u Chala uyunji, loli u Mwene weka mpela. Litalipo ilyalabwe ilyakuvwamamo, loli u Chala weka mpela.

Masalimo 18:34

Akuzimanyisya inyobe zyane pakulwa ubwite, umwakuti ningabombezya ubwele ubwa mukuba.

Masalimo 18:35

Ukunvighilila ni ngulu yako iya bupoki, inyobe yako indilo yanyavwanga, ubwavwilizi bwako bwankwezya.

Masalimo 60:12

Nanti u Chala ali naswe, po tukwiza pakupota ubwite, pakuti weyuyo akwiza pakubakanyankila abalwani bitu.

Masalimo 71:3

Ubanje we lilinga lyane ilyakuvwamilamo, kuko ningabukako akabalilo kosi. Lamula ukuti umpoke pakuti we lyalabwe lyane ni linga lyane.

Masalimo 95:1

Zagha tumwimbilaye u Mwene umwakuhoboka, zagha tukolomokelaye kwi lyalabwe ilya bupoki bwitu.

Yesaya 26:4

Musubilaye u Mwene bwila na bwila, pakuti u Mwene u Mwene we lilyalabwe ilya bwila.

Yesaya 45:24

Bakwiza pakunena nizya ane ukuti, “Mwa Mwene mpela, momumo muli ubugholosu namaka.” Loli bosi babo bambengite, bakwiza pakukoziwa isoni.

2 Aba Kolinti 10:4

Pakuti ivilwilo vivyo tukulwila navyo ubwite, vite vilwilo ivya buntu, awe, loli maka agha Chala aghakuti tumongolannye nagho amalinga agha balwani.