Masalimo 143:12 - IBAYIBOLO 2024

¹² Pachifukwa icha lughano lwako, lulo lutakupotwapo nalumolumo. Ubazimizyanje abalwani bane. Ubanangannye bosi babo bakumbenga, pachifukwa ichakuti ne mubombi wako.

Masalimo 143:12 Iomraidhean Croise

Masalimo 116:16

Wee Mwene, naloli ne mubombi wako, nkukubombela ngati mumo u mayi wane akabombela, wansatula kubunyololo bwane.

Masalimo 119:94

Mpoka, ane ne wako, Pakuti naghakonka amalamulo ghako.

Masalimo 52:5

Naloli u Chala akubanangannya bwila na bwila. Akwiza pakukuzompola munyumba yako, sona akwiza pakukunyunkulamo muchisu icha bantu abumi.

Masalimo 54:5

U Chala abatanizyanje abalwani bane babo bakumbombela ububibi, sona ubanangannye pakuti we musubiliwa.

Masalimo 54:7

Pakuti akampoka muntamyo zyane zyosi, sona amaso ghane ghenizye namumo nkabapotela abalwani bane.

Masalimo 55:23

Loli wee Chala ukubasumbila muchiliba ichibizu abantu ababibi, po abaghoghi na bazimbuli bakuba bumi, napo we hafu uwa masiku ghabo. Loli ane, nkusubiye wewe.

1 Samuweli 25:29

Nanti abantu bakusambukiye nukukulondelezya ukuti bakughoghe, u Mwene u Chala wako akwiza pakukupoka. Loli akwiza pakubusumba ubumi ubwa balwani bako ngati libwe mu fyata.

1 Samuweli 26:10

Akanena sona akati, “Nkulapa pamaso pa Mwene umumi ukuti u Mwene weyuyo akwiza pakumughogha. Nanti isiku lyache lyakwana, akwiza pakufwa, pamo akwiza pakufwila kubwite.