Masalimo 143:10 - IBAYIBOLO 2024

¹⁰ Umanyisyanje ubwighane bwako, pakuti awe we Chala wane. Umuzimu wako umwiza ghundongozyanje muzila yako inyiza.

Masalimo 143:10 Iomraidhean Croise

Nehemiya 9:20

Ukabapanga Umuzimu wako umwiza pakubamanyisya, po utakalekapo nalumo pakubapa umana ukuti balyanje sona ukubapanga amizi aghakung'wela.

Masalimo 118:28

Awe we Chala wane, po nkupalizyanje, sona nkwiza pakufumusya nizya bukulu bwako.

Masalimo 119:12

Wee Mwene upaliwanje, umanyisyanje amalamulo ghako.

Masalimo 119:35

Ndongozya umwakuti ingakonkaye amalamulo ghako, pakuti ghakuhobosya nkani.

Masalimo 139:24

Ennya nanti muli ububibi bumo mumwane, po undongozyezye muzila iya bwila na bwila.

Masalimo 140:6

Wee Mwene, nkukubuzya nkuti, “Awe we Chala wane.” Wee Mwene, ivwa ukulila kwane ukuti unyavwe.

Masalimo 22:1

Chala wane, Chala wane, nkimba choni chicho wandeka nemwene? Nkimba choni chicho utakunyavwa sona nkimba choni chicho utakwivwa ukukoloma kwane?

Masalimo 23:3

Akumpa sona amaka. Akundongozezya muzila ingolosu, pachifukwa icha buchindamu bwache.

Masalimo 25:12

Nkimba pali umuntu yumo uwakumunyila u Mwene? Po u Mwene akwiza pakumumanyisya izila izyakuti asale.

Masalimo 27:11

Wee Mwene umanyisyanje izila zyako. Undongozezye muzila intenganu, pachifukwa ichakuti abalwani binji.

Masalimo 31:14

Wee Mwene wane, nkusubiye wewe. Po nkuti, “Awe we Chala wane.”

Masalimo 63:1

Wee Chala, awe we Chala wane, sona nkukulondelezya nu moyo wane ghosi. Umoyo wane ghuli ni nyota nawe, sona umubili wane ghope ghukukusamba. Nkukusamba nkani ngati chisu ichumizu, sona ngati nkolongo yiyo yite na mizi.

Yesaya 29:10

U Mwene abaghoneka nu tulo utwakufwa nato, abighalila amaso ghinyu amwe mwe balaghuzi, abavwinka imitu yinyu amwe mwe benelezi.

Yesaya 63:14

Ngati ng'ombe zizyo zikubuka kwikombe, bakapeghiwa ubutuzyo nu Muzimu uwa Mwene. Umu momumo ukabalongozezya abantu bako, ukuti itabwa ilya buchindamu lichindikiwanje.

Mika 4:2

Inko inyinji zikwiza pakunena ukuti, “Zagha, twende tukwele pighamba ilya Mwene, ku Nyumba iya Chala uwa Yakobo. Akwiza pakutumanyisya izila zyache, umwakuti twendaye mumo.” Pakuti ululaghilo lukwiza pakufumila ku Ziyoni, sona ivimanyisyo ivya Mwene vikwiza pakufumila mu Yelusalemu.

Ukubelengiwa 9:22

Napapo ibingu lila lingaba pa Chisakasa chila amasiku mabili pamo umwezi pamo umwaka aba Izilayeli bakendelelagha pakwikala muvisakasa vyabo, sona batakanyamukagha ubulendo bwabo. Loli nanti ibingu lila lyakwela bulo mumwanya, aba Izilayeli bakanyamukagha ubulendo bwabo.

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

Yohani 14:26

Loli Umwavwilizi, u Muzimu Umuzelu, yuyo Utata akwiza pakubatumila mwitabwa lyane, akwiza pakubamanyisya nukubakumbusya vyosi vivyo nababuzya.

Aba Loma 15:13

Umwenecho u Chala yuyo akutupa ulusubilo, abizuzye nu lusekelo, sona nu mutende ukwendela mukusubila kwinyu mumwache, umwakuti ulusubilo lwinyu lwendelelaye pakukula na maka agha Muzimu Umuzelu.

Aba Loma 15:30

Mwee bakamu bane mwa Mwene witu u Yesu Kilisitu, sona nukwendela mu lughano ulwa Muzimu Umuzelu, nkubalambilizya ukuti mubanje poka nane munyiputo, pakunyiputila nkani kwa Chala.

Aba Loma 5:5

Ulusubilo ulu lutakutukozya isoni, pachifukwa ichakuti u Chala pakwendela mu Muzimu Umuzelu, yuyo akatupa, akizuzya amoyo ghitu nu lughano lwache.

Aba Loma 8:2

Pakuti indaghilo izya Muzimu Umuzelu zizyo zikutupa aswe ubumi ukwendela mwa Kilisitu u Yesu, zinyabuye ku ndaghilo izya mbibi na kubufwe bulo.

Aba Loma 8:26

Umwakuyana bulo, wepe u Muzimu Umuzelu akutwavwa aswe twe bantu abadedebazu. Pakuti tutamenye namumo tubaghiye pakwiputila, umwenecho u Muzimu Umuzelu akutwiputila kwa Chala nukukoloma, kuko kutanganeniwa na mazyu.

Aba Efeso 4:30

Mutakamupelelaye ichitima u Muzimu Umuzelu uwa Chala, pakuti weyuyo chikole chache mumwinyu ichakuti mwe bantu bache, sona ni chakuti Isiku likwiza, lilyo u Chala akwiza pakubasatula.

Aba Efeso 5:9

pakuti ivikomwa ivya lukozyo zyo zizyo zikwaghiwa muvintu vyosi vivyo vyiza, ni vigholosu, sona ni vyanaloli.

2 Timoti 1:7

Pakuti u Muzimu yuyo u Chala akatupa, atakutupela pakuba bogha, loli weyuyo akutupa amaka nu lughano, sona nukwilema.

Aba Hebeli 13:21

U Chala abape amwe ivyiza vyosi ukuti mubombaye ubwighane bwache nukubomba mumwitu ukwendela mwa Yesu Kilisitu zizyo zikumuhobosya. Po u Kilisitu achindikiwanje bwila na bwila! Ameni!

1 Yohani 2:27

Loli amwe mukapakaziwa nu Muzimu Umuzelu. Pene papo Umuzimu Umuzelu yuyo akwikala mumwinyu umwakuti chitakulondiwa sona ukuti umuntu yumo abamanyisye. Pakuti u Muzimu wache Umuzelu akubamanyisya nizya vintu vyosi, sona vivyo akumanyisya vyanaloli, vite vyabumyasi, awe. Po ivwila ubumanyisi ubwa Muzimu ukuti mwikale mukumamatilana poka nu Kilisitu.