Masalimo 143:1 - IBAYIBOLO 2024

¹ Wee Mwene, ivwa ulwiputo lwane, sona ivwa ukulila kwane ukuti unyavwe. Unyavwe pakuti we mubusubiliwa sona we mugholosu.

Masalimo 143:1 Iomraidhean Croise

2 Samuweli 7:25

“Wee Mwene u Chala, losi ulu sunga ilayizyo lyako ilya bwila na bwila, lilyo ukandayizya ne mubombi wako na bamunyumba yane. Bomba vivyo ukalayizya,

Masalimo 140:6

Wee Mwene, nkukubuzya nkuti, “Awe we Chala wane.” Wee Mwene, ivwa ukulila kwane ukuti unyavwe.

Masalimo 17:1

Wee Mwene teghelezya, bo nkulaba, sona ivwa ukulila kwane! Ivwa ulwiputo lwane lulo lukufuma mumulomo uwanaloli.

Masalimo 31:1

Wee Mwene, awe we buzilo bwane ubwakuchimbililako. Utakitikizyanje nalumo ukuti nkoziwe isoni, unyavwe nukunvighilila pakuti we mugholosu.

Masalimo 71:2

Unyavwe nukunvighilila pakuti we mugholosu. Unteghelezye ukuti unyivwe nukumpoka.

Daniyeli 9:16

Wee Mwene, ukuyana ni mbombo zyako ingolosu, tonta umoyo sona efyako ubukali bwako pa Yelusalemu akaya kako akakulu nkani, sona ighamba lyako izelu. Imbibi zyitu sona nu bubibi ubwa banyenya bitu vyamupela u Yelusalemu na bantu bako pakuba chakusesya pakasi pabapalamani bitu bosi.

1 Yohani 1:9

Loli nanti tukwitika imbibi zyitu, u Chala umwenecho yuyo musubiliwa sona mugholosu, akwiza pakutuhobokela imbibi zyitu. Akwiza pakutuswefya ububibi bwitu bosi bubo tukubomba.