Masalimo 142:5 - IBAYIBOLO 2024

⁵ Wee Mwene, nkulilila kukwako nkuti, “Awe we buzilo bwane ubwakuvwamilamo sona we mpyana yane muchisu icha bantu abumi.”

Masalimo 142:5 Iomraidhean Croise

Masalimo 119:57

Wee Mwene, awe we mpyana yane, nkufinga pakughivwila amazyu ghako.

Masalimo 16:5

Wee Mwene awe we mpyana yane, sona we lubako lwane lwalusayo, po intazi yane yili munyobe zyako.

Masalimo 27:13

Nkusubila ukuti nkwiza pakubwennya ubwiza ubwa Mwene muchisu icha bantu abumi.

Masalimo 35:12

Bakuntanizya ivintu ivibibi pa vintu ivyiza. Sona mumoyo wane muli cho chitima chene.

Masalimo 46:1

U Chala we wapakuvwama pitu, sona we maka ghitu, yuyo iyanizye pakutwavwa pakabalilo akantamyo.

Masalimo 46:11

U Mwene Uwamaka Ghosi ali naswe, sona u Chala uwa Yakobo we lilinga lyitu.

Masalimo 46:7

U Mwene Uwamaka Ghosi ali naswe, sona u Chala uwa Yakobo we lilinga lyitu.

Masalimo 56:13

Pakuti ukampoka ukuti indeke pakufwa, sona ukazipoka inyayo zyane ukuti zitakatyelemuke, umwakuti nendaye pamaso pa Chala mulukozyo ulwa bumi.

Masalimo 73:26

Umubili wane nu moyo wane vingapotwa, loli u Chala we maka agha moyo wane, po akugabilagha ulusayo bwila na bwila.

Masalimo 91:2

Nkuti, “U Mwene wakuvwamilamo ni linga lyane, u Chala wane yuyo imusubiye.”

Umulumbilili 4:1

Nkaghennya sona amayimba ghagho ghakaba pachisu ichapasi. Nkaghennya amasozi agha bantu abakuyiviwa, po bate nu wakubasangalusya. Abakubayivya bakaba na maka nkani, sona bate nu wakubasangalusya.

Nkuto 3:24

Ane nkanena nemwene nkati, “U Mwene weyuyo nkumulonda, po nkwiza pakumusubila.”

Yohani 16:32

Akabalilo kakwiza, sona kakwana kale, bo mukwiza pakusata, umuntu wesi kukaya kache nukundeka nemwene. Loli inte nemwene pakuti Utata ali poka nane.

2 Timoti 4:17

Loli u Mwene akaba kulubazu lwane nukumpa amaka, umwakuti nkalumbilila Amazyu umwakufikapo ukuti abantu babo bate ba Yuda bivwe. Pakubomba bunubu nkapona ku mulomo uwa nkalamu.