Masalimo 142:2 - IBAYIBOLO 2024

² Nkubika amilumbusyo ghane pamaso papache, sona nkumubuzya intamyo zyane.

Masalimo 142:2 Iomraidhean Croise

Masalimo 28:1

Wee Mwene nkulila kukwako we lyalabwe lyane, utakabanje ngati we mapuli. Pakuti nanti wabanga bulo myee, nkwiza pakuyana bulo na babo bali mumapumpa.

Masalimo 42:4

Umoyo wane ghukumbaba nanti navikumbuka ivintu ivyakale, bo nkuvikumbuka vinivi, nkuchilongozezya ichilundilo ku Nyumba iya Chala. Nkabalongozya bo bakwenda mumusebo, sona bo bakukolomoka umwalusekelo pakwimba inyimbo izyakupalizikizya u Chala.

Masalimo 62:8

Mwebaya mumusubilaye akabalilo kosi, mumubuzyanje intamyo zyinyu zyosi, pakuti u Chala we buzilo bwitu ubwakuvwamilamo.

Yesaya 26:16

Wee Mwene muntamyo zyabo bakakulonda, bakalaba kukwako, bo wabafunda.

Aba Loma 8:26

Umwakuyana bulo, wepe u Muzimu Umuzelu akutwavwa aswe twe bantu abadedebazu. Pakuti tutamenye namumo tubaghiye pakwiputila, umwenecho u Muzimu Umuzelu akutwiputila kwa Chala nukukoloma, kuko kutanganeniwa na mazyu.

Aba Hebeli 5:7

Mumasiku agha bumi bwache muchisu ichapasi, u Yesu akiputa nukulambilizya kwa Chala umwakukolomoka ukukulu nkani, sona na masozi pakumulilila yuyo angamupoka kubufwe. U Chala akamwivwa pachifukwa ichakwiyisya nukwiyipa kwache.