Masalimo 141:5 - IBAYIBOLO 2024

⁵ Umuntu umugholosu angankoma pamo ukunchemela, pachifukwa ichakuti akumpelela ichisa. Anganchemela pachifukwa ichakuti chili ngati mafuta kumutu wane sona ulwiputo lwane ulwakususannya ni mbombo izya bantu ababibi.

Masalimo 141:5 Iomraidhean Croise

2 Imbili 25:16

Bo umulaghuzi yula achili ali pakunena, u mwene akamulalusya akati, “Nkimba sweswe tukakusala ukuti ubanje we wakumanyisya u mwene amahala? Utakandizye sona! Nkimba choni chicho ukulonda pakufwa?” Umulaghuzi yula akaleka loli akati, “Inzimenye ukuti u Chala akulonda pakukughogha, pachifukwa ichakuti wabomba zinizi sona nukuti ukazisulannya zizyo nkakubuzya.”

Masalimo 125:4

Wee Mwene, ubabombelaye ubwiza, abantu babo bakubomba ubwiza, kokuti babo bali na moyo amagholosu.

Masalimo 23:5

Ukunjanizizya ivyakulya bo abalwani bakwennya. Wampokela ngati ne muyeni pakumpakazya na mafuta, sona ulubako lwane lukufuluka.

Masalimo 51:18

Ubabombelaye ubwiza abantu aba mu Ziyoni, zengagha sona ulupaso ulwa Yelusalemu.

Ivyili 12:1

Umuntu yuyo aghaghanite amafundwe, kokuti aghaghanite amahala, loli umuntu yuyo aghabengite amafundwe, kokuti mupunganu.

Ivyili 15:22

Imbatiko zitakukwanilisiwanga nanti amahala naghamo, loli nanti abakukulingannya amahala binji, imbatiko zikukwanilisiwanga.

Ivyili 15:5

Umupunganu akughasulannya amafundwe agha wise, loli umuntu uwamahala akwivwila nanti akuchemeliwa.

Ivyili 19:25

Nanti wamukoma umuntu uwalobezyo kokuti akumanyilapo amahala, umuchemelaye umuntu yuyo ate na mahala po akwiza pakumanyilapo zimo.

Ivyili 25:12

Ngati impete iya golide pamo ivyakwibonesekezya akiza ivya golide umwenecho, momumo ghabeleye amafundwe agha muntu uwamahala ku muntu yuyo akughateghelezya.

Ivyili 6:23

Pakuti amalamulo ghanagha ghali ngati yo nyale, sona ichimanyisyo ichi chili ngati lo lukozyo. Amafundwe ghanagha ghali ngati yo zila iya bumi.

Umulumbilili 7:5

Chizapo nkani pakwivwila nanti umuntu uwamahala akukuchemela, ukuchila pakuteghelezya inyimbo izya bapunganu.

Aba Levi 19:17

“ ‘Utakasungaye ulubengo mumoyo wako, loli umuchemelaye, umwakuti utakabombepo nachimo ichibibi, pachifukwa icha yuyo.

Matayi 5:44

Loli ilelo nkubabuzya ukuti mubaghane abalwani binyu nukubiputila babo bakubavwima,

Aba Galatiya 6:1

Mwee bakamu bane, nanti umuntu yumo awila mumbibi, amwe mwe mukulongoziwa nu Muzimu Umuzelu, mumwavwe umuntu yunuyu nu moyo umololo. Loli namwe bulo muchebaye ukuti mutakayeliwanje.

Ubuvumbuli 3:19

Nkumuchemela nukumufunda umuntu wesi yuyo imughanite. Polelo lamusya, upinduke nukuzileka imbibi zyako.