Masalimo 141:4 - IBAYIBOLO 2024

⁴ Umoyo wane ghutakawesiwanje ni vintu ivibibi, sona intakasendayepo ichigaba mumbombo imbibi. Utakanyitikizyanje ukuti nangalaye poka na babomba mbibi, sona intakalyanje nabo ichakulya chabo ichinonu.

Masalimo 141:4 Iomraidhean Croise

Ubwandilo 27:14

Po akabuka pakumusendela unyina abana aba mbuzi bala, po unyina akapiya ichakulya ichinonu nkani chicho uwise akachighana nkani.

1 Abamwene 13:8

Loli umulaghuzi yula akamula akati, “Napapo ungampa hafu uwa bukabi bwako, ane intangabuka poka nawe pakulya ivibama pamo ukung'wela amizi.

1 Abamwene 22:22

“U Mwene akalalusya akati, ‘Nkimba ungamudeba bulibuli?’ “Umuzimu ghula ghukamula ghukati, ‘Nkwiza pakubuka nukubapela abalaghuzi bosi aba Ahabu ukuti batamantaye.’ “U Mwene akati, ‘Bukagha, naloli ungamudeba.’

1 Abamwene 8:58

Aghapindule amoyo ghitu umwakuti tubombaye ubwighane bwache, pakughakonka amalamulo ni ndaghilo zyache, zizyo akabapa abanyenya bitu.

Masalimo 119:36

Mpanga ichinyonywa icha malamulo ghako, mubuzilo ubwa chinyonywa icha bukabi ubwa bumyasi.

Masalimo 28:3

Utakanyefyezyanje poka na bantu ababibi, babo bakubomba ivintu ivibibi. Abantu banaba bakunenagha amazyu amiza ku bapalamani babo, loli mumoyo ghabo mwizuye nu lubengo.

Yesaya 63:17

Wee Mwene nkimba choni chicho watupela ukuti tusobelaye izila zyako? Nkimba choni chicho waghakazya amoyo ghitu ukuti tutakakwivwilaye. Nyokako pachifukwa icha babombi bako, uluko lulo mpyana yako

Ukubelengiwa 25:2

Abakolo banaba bakabitizya abanavuli kulusekelo lwavyakwiyipa vivyo bakabika ku bachala babo. Abantu bakalya ivyakulya nukubachindika abachala babo.

Matayi 6:13

Utakitikizyanje ukuti tuwile munjelo, loli utupoke kwa Satana, Umubibi yula.’

1 Aba Kolinti 10:31

Po manyi mukulya, pamo mukung'wela, manyi mukubomba akantu kosi, mubombaye vyosi bulo ukuti mumuchindike u Chala.

1 Aba Kolinti 15:33

Mutakizimbulaye mwebene, “Abamanyani ababibi bakunanga inkalo inyiza.”

2 Aba Kolinti 6:17

Polelo u Mwene akuti, “Fumako kukwabo sona mwipaghule. Mutakapalamasyanje nachimo ichintu chicho chinyazu, po nkwiza pakubapokela.

Ukukumbusya Amalamulo 2:30

Loli u Sihoni atakatwitikizya ukuti tudumusannye muchisu chache. U Mwene u Chala winyu akaghupela umoyo wache pakuba mukafu, umwakuti amubike munyobe zyinyu ngati mumo zibeleye pakabalilo aka.

Ukukumbusya Amalamulo 29:4

Loli mupaka nilelo bulo, u Mwene atabapiye amoyo aghakwivwisya, pamo amaso aghakwenezya, pamo amakutu aghakwivwisya.

Yakobo 1:13

Nanti umuntu akuyeliwa ukuti abombe chimo ichibibi, atakanene ukuti, “U Chala akunjela.” Pakuti u Chala atangayeliwa nu bubibi, sona atakumuyelapo nayumo umuntu.

Ubuvumbuli 18:4

Pisinda pache nkivwa izyu ilinji kumwanya likuti, “Mwee bantu bane, epamo mukaya kache, umwakuti mutakagabane nawe imbibi zyache ukuti mutasendepo ichigaba muviwaya vivyo vikwiza pakumuwila.