Masalimo 140:7 - IBAYIBOLO 2024

⁷ Wee Mwene Uwamaka Ghosi, Umupoki wane uwamaka, we ukumpoka pakabalilo aka bwite.

Masalimo 140:7 Iomraidhean Croise

2 Samuweli 8:14

U Devedi akazenga ubuzilo ubwa bwite muchisu chosi icha Edomu, umwakuti aba Edomu bosi bakaba pasi pabulaghili ubwa Devedi. Po u Mwene akamupa u Devedi ubupoti kosi kuko akabukagha.

2 Samuweli 8:6

U Devedi akazenga ubuzilo ubwa bwite muchigaba icha Siliya mu Damasika, po aba Siliya bakaba pasi pabulaghili bwache nukusonka umusonko kukwache. U Mwene akamupa u Devedi ubupoti kosi kuko akabukagha.

Masalimo 144:10

Pakuti ukubavwa abamwene pakupota, sona ukumpoka ne mubombi wako u Devedi kubufwe ubwa panga.

Masalimo 18:35

Ukunvighilila ni ngulu yako iya bupoki, inyobe yako indilo yanyavwanga, ubwavwilizi bwako bwankwezya.

Masalimo 27:1

U Mwene we lukozyo lwane sona we bupoki bwane, po intangamunyila nayumoyumo umuntu. U Mwene we lilinga ilya bumi bwane, po ntakwiza pakutetema nalumo.

Masalimo 31:15

Utubalilo utwa bumi bwane tuli munyobe zyako, umpokaye munyobe izya balwane bane sona na munyobe izya bantu babo bakumbingambinga.

Masalimo 59:17

Wee Maka ghane, nkwiza pakukwimbila inyimbo izya mapalo, wee Chala, we lilinga lyane, sona ulughano lwako papane lutakupotwangapo nalumolumo.

Masalimo 62:2

Wee lyalabwe lyane nu bupoki bwane, sona we lilinga lyane, po ntakwiza pakuyingana nalumolumo.

Masalimo 62:7

Ubupoki bwane nu muchizi wane vyosi vili mwa Chala, we lyalabwe lyane ilyamaka, sona buzilo bwane ubwakuvwamilamo.

Masalimo 89:26

Ambuzye ukuti, ‘Awe we Tata wane nu Chala wane, sona we lyalabwe Umupoki wane.’

Masalimo 95:1

Zagha tumwimbilaye u Mwene umwakuhoboka, zagha tukolomokelaye kwi lyalabwe ilya bupoki bwitu.

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”