Masalimo 140:13 - IBAYIBOLO 2024

¹³ Naloli abagholosu bakwiza pakulipala itabwa lyako, sona abantu abiza bakwiza pakwikala pamaso papako.

Masalimo 140:13 Iomraidhean Croise

Yobu 36:6

Atakubitikizya ababibi ukuti babanje nubumi loli abapina akubabombela mubwanaloli.

Masalimo 11:7

Pakuti u Mwene we mugholosu, sona abughanite ubwanaloli, Po abagholosu bakwiza pakuchennya icheni chane.

Masalimo 16:11

Wandanjizya izila iyakubukila kubumi, sona ukwiza pakunyizuzya nu buhobosu Sona nkwiza pakuhoboka bwila na bwila kunyobe yako indilo.

Masalimo 23:6

Naloli ubwiza nu lughano lwako lulo lutakupotwapo nalumo vikwiza pakuba nane, mumasiku ghosi agha bumi bwane, sona nkwiza pakwikala mu Nyumba iya Mwene bwila na bwila.

Masalimo 32:11

Mwee bantu abagholosu, muhobokaye mwa Mwene, sona mwimbaye mwebosi mwe muli na moyo amagholosu.

Masalimo 35:10

Nu moyo wane ghosi nkwiza pakunena ukuti, “Wee Mwene, nkimba wewenu ayanite nawe? Ukubapoka abapina munyobe izya bantu abamaka ukubachila, sona ukubapoka abapina na bapotwe munyobe izya bantu babo bakubafyula ivintu vyabo.”

Masalimo 73:24

Ukundongozya na mahala ghako, sona pabumalilo ukumpokela mu buchindamu bwako.

Masalimo 97:12

Mwebosi mwe bagholosu, muhobokaye mwa Mwene, sona mumupalizyanje pakulitambula itabwa lyache izelu.

Ivyili 22:23

Pakuti u Mwene akwiza pakwivwa inongwa yache, sona akwiza pakubafyula ubumi babo bakamufyulagha ivintu vyache.

Yesaya 3:10

Babuzye abagholosu ukuti vikwiza pakubendela akiza, pakuti bakwiza pakwilagha ivikomwa ivya mbombo zyabo.

Yohani 14:3

Sona bo nabuka pakubayanizya ubuzilo, nkwiza sona pakubasenda, umwakuti kuko indiko, ko kuko namwe bulo mubanje.

Yohani 17:24

“Wee Tata, nkulonda ukuti abantu babo umpiye babanje nane kuko indi, umwakuti bangennya ubuchindamu bwane, bubo ukampa pakuti ukangana bo ni chisu chichili pakupeliwa.

1 Aba Tesalonika 4:17

Pisinda pache aswe twe tuchili twe bumi, sona twe twasyala, tukwiza pakubungana poka nabo mu mabingu pakukomana nu Mwene mumwanya. Po tukwiza pakuba nu Mwene bwila na bwila.