Masalimo 140:10 - IBAYIBOLO 2024

¹⁰ Amazimwa agha moto ghabawilaye, sona basumbiwanje muchiliba icha moto umwakuti batakepayemo nalumo.

Masalimo 140:10 Iomraidhean Croise

Ubwandilo 19:24

Po u Mwene akalaghazya amabwe agha moto uwa sulufule mu Sodomu nu Gomola.

Masalimo 11:6

Pabantu ababibi akwiza pakubawisizya amazimwa nu sulufule uwakwaka, po impepo iyakocha yikwiza pakuba gho muvwalo wabo.

Masalimo 120:4

Po akwiza pakubafunda nkani, pakubalasa nu tulasilo utwa musilikali, nukubocha na mazimwa agha moto.

Masalimo 21:9

Pakabalilo kako ukwiza pakubonekela, ukwiza pakubapela ngati cho chiliba icha moto. Mubukali bwache u Mwene akwiza pakubazimizya, sona umoto wache ghukwiza pakubalungulizya.

Masalimo 55:23

Loli wee Chala ukubasumbila muchiliba ichibizu abantu ababibi, po abaghoghi na bazimbuli bakuba bumi, napo we hafu uwa masiku ghabo. Loli ane, nkusubiye wewe.

Masalimo 64:9

Abantu bosi bakwiza pakuba nubogha, po bakwiza pakuzifumusya imbombo izya Chala, sona nukwinong'ona zizyo u Chala abomba.

Masalimo 7:17

Nkumupalizya u Mwene pachifukwa icha bwanaloli bwache, sona nkwiza pakumwimbilagha inyimbo izya mapalo u Chala Uwakumwanya Nkani.

Ivyili 28:10

Umuntu yuyo akumulongozezya umuntu umugholosu muzila imbibi akwiza pakuwila muchipingo chache, loli umuntu yuyo ate ni chilema nachimochimo akwiza pakupyana ichilingo.

Ivyili 28:17

Umughoghi yuyo apalaghula inongwa iya bughoghi, akuvwamagha mupaka ubufwe bwache, sona atakabepo nayumoyumo umuntu uwakumwavwa.

Matayi 13:42

Bakwiza pakusumbiwa pamoto, mumo bakwiza pakulila nukusyeketula amino ghabo.

Matayi 13:50

nukubasumbila ababibi pamoto, mumo bakwiza pakulila nukusyeketula amino ghabo.”

Ubuvumbuli 20:15

Umuntu wesi yuyo itabwa lyache litakasimbiwamo mwibuku ilya bumi, akasumbiwanga munyanja iya moto.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”