Masalimo 14:4 - IBAYIBOLO 2024

⁴ Fwandi ababomba imbibi bate na mahala? Bo babo bakubalya abantu bane ngati po bakulya chibama, sona bo babo batakumwiputa u Mwene.

Masalimo 14:4 Iomraidhean Croise

Yobu 21:15

“Nkimba Uwamaka Ghosi wewenu ukuti tumubombelaye, sona tungakabapo ichoni nanti tukumwiputa?”

Yobu 27:10

Nkimba akwiza pakuhoboka nu Wamaka Ghosi? Nkimba akwiza pakumwitizya u Chala akabalilo kosi?

Masalimo 27:2

Nanti ababomba mbibi bakwiza pakughunangannya umubili wane, nanti abalwani bakundema, bakwiza pakwipunula nukuwa.

Masalimo 79:6

Ubapungulilaye ubukali bwako abantu aba inko izinji babo batakumenye. Ubupungulilaye ubukali bwako ubumwene bubo butakulichindika itabwa lyako.

Masalimo 82:5

“Batakumanyapo nachimochimo sona bate na mahala naghamoghamo. Bakwendakwenda bulo muchisi, ulwalo lwachisu ichapasi lukuyingana.

Ivyili 30:14

Balipo bamo babo amino ghabo ghapyasiwe ngati chipeni bakulya ivintu ivya bantu abapotwe, sona nivya bapotwe munyumba zyabo, na mutwaya twabo ukuti babazimizyanjemo muchisu.

Yesaya 27:11

Nanti isamba zyache zyumila zikupyoka, sona abakolo bakuzitenya nukuzipela pakuba nkwi. Pakuti banaba bo bantu babo batakwivwa, po Umupeli wabo ate ni chililizi nabo, Umupeli wabo atakubapelela ichisa.

Yesaya 29:14

Polelo nkwiza pakubabombela abantu aba, ivyakuswighisya ivyakulekanalekana, amahala agha bantu abamahala ghakwiza pakuzimila, sona ubumanyi ubwa bantu abamanyi, bope bukwiza pakuzyebeluka.”

Yesaya 45:20

Mubungane poka nukwiza, amwe inko izya bantu. Mupalamile papipi, mwe mukapona ku bantu aba inko izinji. Abapunganu bo babo bakunyamula ivifwani ivya kubiza, babo bakwiputa kuvifwani vivyo vitangabapoka.

Yesaya 5:13

Polelo abantu bane bakubuka kuchisu icha buzya pakuti bakusobelwa ubumanyi, abantu babo abapamwanya bakufwa nizala, sona abantu abinji bakufwa ninyota.

Yesaya 64:6

Twebosi twaba bulo ngati muntu umunyazu, sona imbombo izya bugholosu bwitu, zili ngati menda amanyazu amanyankanyanka, tukufoka ngati lyani, sona imbibi zyitu zikutupyela ngati mpepo.

Yesaya 64:7

Patalipo nayumo yuyo akwiputila mwitabwa lyako, pamo ukwiyula ukuti akakatiye kukwako, pakuti watufisa icheni chako, sona watupela pakuba, bazya abambibi zyitu.

Yelemiya 10:25

Pungulila ubukali bwako pa inko zizyo zitakumenye, pabantu babo batakukwiputa. Pakuti bamulya u Yakobo, bamulya nukumumalizya, sona bakanangannya akaya kache nukukapela pakuba nkolongo.

Hoseya 7:7

Abantu bosi banaba bakocha nkani ngati muvuno, sona bakubaghogha abalaghili babo. Abamwene babo bosi baghuye, loli atalipo nayumoyumo pakasi papabo, yuyo akunyitizya ukuti imwavwe.

Amosi 8:4

Ivwa kuno, amwe mwe mukubayivya abapina, sona mukulonda pakubamala abakusobelwa,

Aba Loma 1:28

Pachifukwa ichakuti abantu bala bakamusula u Chala, po akabaleka ukuti bakonke inyinong'ono zyabo imbibi ukuti babombaye ivintu vivyo batabaghiye pakuvibomba.

Aba Galatiya 5:15

Loli nanti mukulumana nukunyonkolana, po muchebaye ukuti pabumalilo mukwiza pakukavulana.