Masalimo 14:3 - IBAYIBOLO 2024

³ Abantu bosi bapulumpa, bosi bo banyonganu, sona atalipo nayumoyumo yuyo akubomba inyiza, awe atalipo nayumoyumo.

Masalimo 14:3 Iomraidhean Croise

Ubwandilo 6:12

U Chala akagha ukuti ichisu ichapasi chambibi, pakuti abantu bosi bakaba ni nkalo imbibi nkani.

Yobu 14:4

Nkimba wewenu yuyo angefyamo ichintu chicho chiswefiwe muchintu ichinyazu? Nayumoyumo!

Yobu 15:16

po zingaba bulibuli nu muntu yuyo munyazu sona mubibi, yuyo akung'wela ububibi ngati po mizi!

Masalimo 119:176

Napulumpa ngati yo ng'ozi iyakusobela, ndondelezya ne mubombi wako, pakuti intaghaluvizye amalamulo ghako.

Masalimo 14:1

Umupunganu akunena mumoyo wache akuti, “U Chala ataliko.” Abantu bosi banyonganu, imbombo zyabo mbibi. Atalipo nayumoyumo yuyo akubomba inyiza.

Masalimo 143:2

Utakandongaye ne mubombi wako, pakuti atalipo nayumo umumi, yuyo mugholosu pamaso papako.

Masalimo 38:5

Ivilonda vyane vibolite sona vikununka, pachifukwa icha bupunganu bwane.

Masalimo 58:3

Abantu ababibi bakusobela ukwandila bo bachili bali mulwanda, sona abantu abamyasi bakusobela ukwanda pisiku ilya kupapiwa kwabo.

Ukufuma 12:30

U Falabo na makambala ghache, poka naba Ijiputi bosi bakanyamuka pakasi pabusiku. Kukaba inkuta inkulu nkani muchisu icha Ijiputi, pachifukwa ichakuti yitakasyalapo ni nyumba nayimoyimo mumo umuntu atakafwamo.

Ukufuma 8:31

Po u Mwene akabomba zizyo u Mozesi akamulaba. Akefya imbwele zyosi zizyo zikamutamyanga u Falabo, na makambala ghache, sona na bantu bache. Nalumolumo ulubwele lulo lukasyalikilapo.

Umulumbilili 7:20

Atalipo nayumoyumo umuntu umugholosu pachisu ichapasi, yuyo akubomba ingolosu zyene, sona atakunangapo nalumo.

Umulumbilili 7:29

Ichintu choka chinichi chicho nachagha chakuti: U Chala akamupela umuntu pakuba mugholosu, loli umuntu ipelite mwene pakuba mubibi.”

Yesaya 53:6

Aswe twebosi twasobela ngati ng'ozi, umuntu wesi akwenda muzila iyache ni yache. Loli u Mwene abubika ububibi ubwa twebosi papache.

Yesaya 64:6

Twebosi twaba bulo ngati muntu umunyazu, sona imbombo izya bugholosu bwitu, zili ngati menda amanyazu amanyankanyanka, tukufoka ngati lyani, sona imbibi zyitu zikutupyela ngati mpepo.

Yelemiya 2:13

“Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Ezekiyeli 36:25

Nkwiza pakubanyafila amizi amiza, po mukwiza pakuswepa, nkwiza pakubaswefya ubunyazu bosi ubwa vifwani vyinyu vyosi.

Aba Loma 3:23

pakuti abantu bosi banangite, sona bapotwa pakufika mu buchindamu ubwa Chala.

1 Aba Kolinti 6:5

Nkunena zinizi ukuti imbakozye isoni. Nkimba kokuti atalimo nayumo umuntu mumwinyu, yuyo ali na mahala aghakuti angalonga inongwa izya bunubu pakasi pa mukilisitu nu mukilisitu uyunji?

2 Aba Kolinti 7:1

Mwee bamanyani bane abaghaniwa, pakuti twaba na malayizyo ghosi ghanagha, zagha twisuke twebene ku vintu vyosi vivyo vikunyazya umubili pamo amoyo ghitu, nukwipela twebene pakuba bantu abazelu, sona nukuba bantu abakumunyila u Chala.

Aba Efeso 2:3

Loli twebosi tukaba ngati bo babo, sona tukikalagha ukuyana ni vinyonywa vyitu. Tukabombagha chosi chicho amabili ghitu ni nyinong'ono zyitu vikalondagha. Ichi cho chifukwa ubukali ubwa Chala bukatubaghila ukuyana namumo bukumubaghilila umuntu wesi.

Ukukumbusya Amalamulo 1:35

“Atalipo nayumoyumo umuntu uwa nkulilo imbibi iyi yuyo akwiza pakwinjila muchisu icha mboto chicho nkalapa pakubapa abanyenya binyu.