Masalimo 139:8 - IBAYIBOLO 2024

⁸ Nanti natinji nkwelaye kumwanya, nawe bulo uli kulakula, nanti natinji ingonaye muchisu icha bafwe, pope bulo uli kulakula.

Masalimo 139:8 Iomraidhean Croise

Yobu 26:6

Ichisu icha bantu abafwe chili nkule pamaso pa Chala, sona ukunanganika kutavwinkiwe.

Ivyili 15:11

Nanti ubufwe nukunanganika vili pabuzelu bulo pamaso pa Mwene, po zingaba bulibuli nu moyo uwa muntu?

Yelemiya 23:24

Nkimba umuntu angavwama kubusyefu umwakuti intangamwennya? Nkimba ane intalipo posi na posi kumwanya na pachisu ichapasi? Ane ne Mwene nanena.

Obadiya 1:4

Napapo ukubuluka ngati lizwanga, nukuluka ichivulumbo chako, pakasi pantondwa pope bulo nkwiza pakukwisya.” U Mwene anena.

Yona 2:2

“Wee Mwene bo indi muntamyo inkulu nkani nkakwitizya, po ukanyamula. Bo indi mukasi muchisu icha bantu abafwe, nkakulilila ukuti unyivwe, po ukanyivwa.