Masalimo 139:21 - IBAYIBOLO 2024

²¹ Wee Mwene, nkimba intababengite abantu babo bakubengite? Nkimba imbasulite abantu babo bakusambukiye?

Masalimo 139:21 Iomraidhean Croise

2 Imbili 19:2

umulaghuzi u Yehu, umwana uwa Hanani akabuka pakukomana nawe nukumubuzya u mwene ukuti, “Nkimba choni chicho ukubavwa abantu ababibi nukubaghana abantu babo bamubengite u Mwene? Pachifukwa icha zizyo wabomba, u Mwene akukalaliye.

Masalimo 119:136

Amaso ghane ghakukupula amasozi, pachifukwa ichakuti ululaghilo lwako lutakusungiwa.

Masalimo 119:158

Nkubennya abantu banaba po nkuseluka, pachifukwa ichakuti batakughakonka amalamulo ghako.

Masalimo 15:4

Bo babo bakubasulannya abantu ababibi, loli bakubachindika abantu babo bakumuchindika u Mwene. Banaba bo babo bakukwanilisya ichilapo chabo napapo ichilapo chila chakuvulazya nkani mumoyo.

Masalimo 26:5

Inzibengite nkani inkomano izya babomba mbibi sona intakwikalagha pasi poka na bantu ababibi.

Masalimo 31:6

Imbabengite babo bakuvyiputa ivifwani, loli nkusubiye awe we Mwene.

Yelemiya 13:17

Loli nanti mutakuteghelezya, nkwiza pakubalilila kubusyefu, pachifukwa icha mituvyo ghinyu, amaso ghane ghakwiza pakulila nkani, ghakwiza pakwizula namasozi pachifukwa ichakuti ing'ozi izya Mwene zili mubuzya.

Maliko 3:5

U Yesu akabenelezya abantu nu bukalale, loli akaba ni chitima pakuti bakaba na moyo amapalapala. Panapo akamubuzya umuntu yula akati, “Gholosya inyobe yako!” Akayigholosya, inyobe yache, po yikaba sona akiza.

Luka 19:41

U Yesu akapalamila kukaya akakulu kalakala, po akakalilila, bo akennya,

Ubuvumbuli 2:2

“Invimenye vyosi vivyo ukubomba. Nkumenye ukwiyula kwako nu bufisalyoyo bwako, sona imenye ukuti utakubennya bulo abantu abambibi. Abantu babo bakwinena bene ukuti batumiwa, loli bate batumiwa, wabayela nukubagha ukuti bamyasi.

Ubuvumbuli 2:6

Loli ubwiza bubo uli nabo bwakuti uzibengite imbombo izya Nikolayi, zizyo nane bulo inzibengite.