Masalimo 139:1 - IBAYIBOLO 2024

¹ Wee Mwene wandondelezya akiza, sona umenye akiza nkani.

Masalimo 139:1 Iomraidhean Croise

2 Samuweli 7:20

“Wee Mwene Uwamaka Ghosi, nkimba u Devedi anganena sona ichoni? Pakuti awe umenye ane ne mubombi wako.

1 Abamwene 8:39

ivwa uko kumwanya kuko ukwikala nukubahobokela abantu bako, sona bombapo zimo ukuyana na zyosi zizyo umuntu wesi abomba, pakuti awe uzimenye inyinong'ono izya bantu bosi.

2 Abamwene 19:27

Loli imenyeko kuko ukwikala, bo ukwiza nukubuka, sona namumo ukunkalalila.

1 Imbili 17:18

“Nkimba u Devedi anganena sona ichoni, pakuti wanchindika? Awe umenye nkani ane ne mubombi wako.

1 Imbili 28:9

“Wee mwana wane Solomoni, umwivwilaye nukumubombela u Chala uwa ghuso nu moyo wako ghosi pakuti u Mwene azimenye inyinong'ono izya muntu na kabombele kache. Nanti ukumulondelezya, ukwiza pakumwagha, loli nanti ukumusula, wepe akwiza pakukukana bwila na bwila.

Masalimo 139:23

Wee Chala, undondelezye umwakuti ughumanye umoyo wane, umpime umwakuti uzimanye inyinong'ono zyane.

Masalimo 17:3

Napapo ungaghuyela umoyo wane, pamo ukumpima pabusiku, loli utanganyagha ninongwa nayimoyimo. Nadumula ukuti umulomo wane ghutakwiza pakunanga.

Masalimo 44:21

nkimba ngali u Chala atakazyaghannya zinizi, pakuti azimenye izya kubusyefu bosi ubwa moyo uwa muntu?

Yelemiya 12:3

Loli pope bulo awe wee Mwene ummenye nkani, Ukunyennya nukuzipima nyinong'ono zyane namumo nkughaniye. Ubawesele kubutali abantu ababibi banaba ngati yo ng'ozi yiyo yikwiza pakughoghiwa. Ubapaghule ukuti balindililaye isiku ilya kughogheliwa.

Yohani 21:17

U Yesu akanena akabutatu akati, “Simoni umwana uwa Yohani, nkimba unganite?” U Pitala akaba ni chitima pachifukwa ichakuti u Yesu akamulalusya akabutatu akati, “Nkimba unganite?” Po u Pitala akati, “Mwene, awe uzimenye zyosi. Uzimenye ukuti ane nkughanite.” U Yesu akamubuzya akati, “Lyesya ing'ozi zyane.

Aba Hebeli 4:13

Pantazi pa Chala katalipo nakamo kako kafisiwe. Ivintu vyosi vili pabuzelu bulo, sona vili pa bwazi pantazi papache yuyo tubaghiye tumulingannye vyosi vivyo twabomba.

Ubuvumbuli 2:18

“Uwantumi uwa muchipanga icha mu Tiyatila umusimbile uti, “Amazyu ghagho ghaneniwa nu Mwana uwa Chala, yuyo amaso ghache ghakumekuka ngati gho moto, sona yuyo inyayo zyache zikulama ngati cho chela, gho agha:

Ubuvumbuli 2:23

Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.