Masalimo 138:7 - IBAYIBOLO 2024

⁷ Napapo nkwenda muntamyo, ukubusungilila ubumi bwane. Ukugholosya inyobe yako pakubakanizya abalwani bane babo bankalaliye, sona inyobe yako indilo yikumpoka.

Masalimo 138:7 Iomraidhean Croise

Yobu 13:15

Napapo angoghe, pope bulo nkwiza pakumusubila; naloli nkwiza pakumulingannya inongwa yane.

Masalimo 17:7

Vumbula ulughano lwako ulukulu, sona wewe ukumpoka ni nyobe yako indilo, babo bakuchimbilila kukwako pakwipoka kubalwani babo.

Masalimo 18:17

Akampoka munyobe izya balwani bane abamaka, munyobe izya bakumbenga babo banchilite amaka.

Masalimo 18:18

Abalwani bane bala bakalwanga nane ubwite bo indi muntamyo inkulu nkani. Loli u Mwene akanvighilila.

Masalimo 18:35

Ukunvighilila ni ngulu yako iya bupoki, inyobe yako indilo yanyavwanga, ubwavwilizi bwako bwankwezya.

Masalimo 20:6

Losi ulu nazimanya ukuti u Mwene akumupoka umupakiwa wache. Bo ali kubuzilo bwache ubuzelu kumwanya, akumwamulagha, sona akumupoka na maka amakulu agha nyobe yache indilo.

Masalimo 44:3

Batakachifyula ichisu pakubombezya abapanga babo, pamo ukupota ubwite na maka ghabo. Loli bakapota na maka ghako amakulu nkani agha nyobe yako indilo, sona nukulama ukwa cheni chako pakuti ukabaghana nkani.

Masalimo 56:9

Po abalwani bane bakwiza pakunyokela kwisinda, pisiku lilyo nkwiza pakukwitizya ukuti unyavwe. Pachinichi inzimenye ukuti u Chala ali nane.

Masalimo 60:5

Tupoke nukutwavwa ni nyobe yako indilo, umwakuti twe baghaniwa bako tupone.

Masalimo 77:10

Po nkati, “Chicho chikumbaba chakuti, U Chala atakulanjizya sona amaka ghache.”

Masalimo 85:6

Nkimba utakwiza pakutupa sona ubumi ukuti twe bantu bako tusekelaye mumwako?

Yesaya 10:4

Chitalipo nachimo chicho chikwiza pakusyala, loli mukwiza pakulemiwa nukubuka, namwe mubuzya pamo pakughoghiwa. Pa zyosi zinizi, ubukali bwache butakutozoka, inyobe yache yichili yigholokite bulo.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 5:25

Polelo ubukali ubwa Mwene bukwaka pabantu bache, inyobe yache yili mumwanya sona akubakoma. Amaghamba ghakayingana, sona imivimba yisatite bulo mumusebo ngati mantu. Pa zyosi zinizi, ubukali bwache butakutozoka, inyobe yache yichili yigholokite bulo.

Yesaya 57:16

Ntakwiza pakulongana nu muntu bwila na bwila, pamo ukumukalalila amasiku ghosi, pakuti mumwane momumo mukafumila umuzimu, sona nene nkaghupela umuyi uwa bumi.

Yesaya 9:12

U Siliya kubufumilo bwizuba, nu Filisiti kubwinjililo bwizuba bamumila u Izilayeli na malomo ghabo, pa zyosi zinizi ubukali bwache butakutozoka, inyobe yache yigholokite bulo

Yesaya 9:17

Polelo u Mwene atakwiza pakuhoboka na balumendo, pamo pakuba ni chisa na balanda sona na bafwilwe, pakuti bosi batamumenye u Chala sona babomba mbibi amalomo ghabo ghakunena ivyabupunganu. Pa zyosi zinizi ubukali bwache butakutozoka, inyobe yache yichili yigholokite bulo.

Yesaya 9:21

Abantu aba muchisu icha Manase bakwiza pakulwa naba Efulayimu, sona aba Efulayimu bakwiza pakulwa naba Manase, Po bosi poka bakwiza pakumusambukila u Yuda. Pa zyosi zinizi, ubukali bwache butakutozoka, inyobe yache yichili yigholokite bulo.

Yelemiya 51:25

“Wee Babiloni, we lighamba ilyakunangannya, nkulwana nawe, wewe ukuchinangannya ichisu chosi ichapasi. Ane ne Mwene nanena. “Nkwiza pakukukoma ni nyobe yane, nukukubungulukizya pasi ukufuma pilyalabwe, nkwiza pakukupela pakuba lighamba ilyakulungulila.

Imbombo 2:33

U Yesu akakweziwa nukwikala kunyobe indilo iya Chala, akapokela u Muzimu Umuzelu yuyo Uwise akalayizya. Vivyo mukuvyennya nukwivwa ivyabupi vyache vivyo vyapunguliliwa papitu.