Masalimo 138:5 - IBAYIBOLO 2024

⁵ Bimbaye pazizyo u Mwene abomba, pakuti ubuchindamu ubwa Mwene bukulu.

Masalimo 138:5 Iomraidhean Croise

Masalimo 21:5

Ubuchindamu bwache bukulu nkani, pakuti ukamupa ubupoti, sona ukamupa ubuchindamu nu muchizi.

Ukufuma 15:11

“Wee Mwene, nkimba alipo u chala uyunji, yuyo ayanite nawe? Nkimba wewenu ayanite nawe, we muchindikiwa sona we muzelu? Nkimba wewenu angayana nawe, pakupela ivyika ni viswigho?

Yesaya 65:14

Ababombi bane bakwiza pakwimba, nukuhoboka mumoyo, loli amwe mukwiza pakulila, pachifukwa icha kubaba mumoyo, pachifukwa icha kuyimba ukwa mumuzimu.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Yohani 17:1

Bo u Yesu amala pakunena zinizi, akennya kumwanya nukuti, “Wee Tata, akabalilo kakwana. Umuchindikaye u Mwana wako, umwakuti u Mwana akuchindikaye awe.

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.

Aba Efeso 1:12

Ifundo yache yikaba yakuti aswe twe tukaba bakwanda pakuba nu lusubilo mwa Kilisitu, tubupale ubuchindamu bwache.

Aba Efeso 1:6

Zagha tumupale u Chala pachifukwa icha chisa chache icha buchindamu pakutupa umwana wache umughaniwa ukuti abanje chabupi bulo.

Ubuvumbuli 19:1

Pisinda pazinizi nkivwa ukubuluma ngati chilundilo icha bantu kumwanya kukuti, “U Chala apaliwanje! Ubupoki nu buchindamu na maka vya Chala witu!

Ubuvumbuli 4:11

“Wee, Mwene u Chala witu, pokela ubuchindamu nu muchizi na maka. Pakuti wewe ukapela ivintu vyosi; mubwighane bwako vikapeliwa nukuba nubumi.”

Ubuvumbuli 7:12

Bakanena bakati, “Ameni! Amapalo nu muchizi nu buchindamu, na mahala nu bulaghili, sona na maka vya Chala witu bwila na bwila! Ameni!”