Masalimo 138:4 - IBAYIBOLO 2024

⁴ Wee Mwene, abamwene bosi aba muchisu ichapasi bakupalaye, bo bivwa amazyu ghako.

Masalimo 138:4 Iomraidhean Croise

Masalimo 102:15

Abantu aba inko izinji bakwiza pakulichindika itabwa ilya Mwene, abamwene bosi aba pachisu ichapasi bakwiza pakubunyila ubuchindamu bwako.

Masalimo 102:22

bo abantu bosi na mabumwene, babungana poka pakumwiputa u Mwene.

Masalimo 22:22

Nkwiza pakufumusya itabwa lyako pakasi pa bakamu bane, sona nkwiza pakulipalagha itabwa lyako palukomano.

Masalimo 22:27

Abantu aba inko zyosi pachisu ichapasi bakwiza pakukumbuka, sona bakwiza pakunyokela kukwache. Po abantu aba inko izinji bakwiza pakufughama pamaso papako.

Masalimo 51:13

Po nkwiza pakubamanyisya ababomba mbibi izila zyako, sona ababibi bope bakwiza pakunyokela kukwako.

Masalimo 57:9

Wee Mwene nkwiza pakupalizya pakasi pabantu aba inko izinji, sona nkwiza pakukwimbila inyimbo pakasi pa inko zyosi.

Masalimo 71:18

Wee Chala, napapo ne mughosi sona ivwi zyawa, utakandekaye nemwene. Po nkwiza pakulumbilila nizyamaka ghako mupaka inkulilo iya muntazi, sona nizyamaka ghako ku bosi babo bakwiza pakupapiwa muntazi.

Masalimo 72:11

Abamwene bosi bakwiza pakumufughamilila, sona bope abantu aba inko zyosi bakwiza pakumubombela.

Yesaya 49:23

Abamwene bakwiza pakuba ngati bo baghuso, sona abamwene babo bakolo bakwiza pakuba boba nyoko. Bakwiza ukwinama pantazi papako bo vyeni vyabo vikotamiye pasi, bakwiza pakumyanta ulufumbi ulwa kunyayo zyinyu. Po mukwiza pakuzimanya ukuti ane ne Mwene, babo bakunsubila batakwiza pakukoziwa isoni.”

Yesaya 60:16

Ukwiza pakung'wela ulukama ulwa inko, nukonka amabele agha bamwene. Po ukwiza pakuzimanya, ukuti ane, ne Mwene Umupoki wako, Umutabuli wako, Uwamaka Ghosi uwa Yakobo.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 21:24

Abantu aba inko zyosi bakwiza pakwenda mu lukozyo lwache, po abamwene aba muchisu ichapasi bakwiza pakwiza nu bukabi bwabo mukaya kanaka.