Masalimo 138:2 - IBAYIBOLO 2024

² Nkwiza pakufughamila kunyumba yako izelu, sona nkwiza pakulipala itabwa lyako pachifukwa icha lughano nu busubiliwa bwako, pakuti walanjizya ukuti itabwa lyako na mazyu ghako, vili pamwanya ukuchila ivintu vyosi.

Masalimo 138:2 Iomraidhean Croise

1 Abamwene 8:15

Po akati, “U Mwene, u Chala uwa Izilayeli apaliwanje, yuyo akwanilisya zizyo akamulayizya nu mulomo wache utata wane u Devedi. Pakuti akati,”

1 Abamwene 8:20

“U Mwene abomba zizyo akalayizya. Namupyana utata wane u Devedi, sona nkwikala pachitengo icha bumwene ubwa Izilayeli ukuyana namumo akalayizizya. Namuzengela Inyumba u Mwene u Chala uwa ba Izilayeli ukuti achindikiliwanjemo.

1 Abamwene 8:24

Awe wabomba zizyo ukamulayizya umubombi wako utata wane u Devedi, zyosi zizyo ukamulayizya nu mulomo wako, ilelo wazikwanilisya ni nyobe yako.

Masalimo 115:1

Wee Mwene, te sweswe awe, loli itabwa lyako lichindikiwanje, pachifukwa ichakuti ulughano nu busubiliwa vyako.

Masalimo 28:2

Unteghelezyanje bo nkulila ukuti umpelele ichisa sona bo nkulila, nkulaba ubwavwilizi. Unteghelezyanje bo nagholosezya inyobe zyane ku Buzilo bwako Ubuzelu Nkani.

Masalimo 5:7

Loli pachifukwa icha chisa chako ichikulu nkani, ane nkwiza pakwinjila munyumba yako. Nkwiza pakufughama nukukuchindika munyumba yako izelu.

Masalimo 5:8

Wee Mwene, awe we mugholosu, unvighililaye pakuti abalwani bane binji nkani, sona ungolosezye izila iyakuti nendayemo.

Masalimo 56:10

Nkumupala u Chala pachifukwa icha izyu lyache, nkumupala u Mwene pachifukwa icha izyu lyache.

Masalimo 56:4

Nkumupala u Chala, pachifukwa icha izyu lyache, imusubiye u Chala po ntakwiza pakunyilapo nachimochimo. Nkimba umuntu angambombela bubibi boni?

Masalimo 85:10

Ulughano nu busubiliwa vikomanaye, ubugholosu nu mutende vilamunkanaye nu lughano ulwenecho.

Masalimo 86:15

Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 99:5

Mumukwezyanje u Mwene u Chala witu, sona mumwiputaye pantazi panyayo zyache, pakuti muzelu.

Masalimo 99:9

Mumukwezyanje u Mwene u Chala witu, sona mumwiputaye pighamba lyache izelu, pakuti u Mwene u Chala witu muzelu.

Yesaya 42:21

Zikamuhobosya u Mwene, pachifukwa icha bugholosu bwache, akalonda pakulupela ululaghilo lwache pakuba lukulu nkani nu luchindamu.

Yesaya 63:7

Nkwiza pakuchinenagha ichisa icha Mwene, nkwiza pakumupala pambombo zizyo abomba, ukuyana nazizyo atubombela, ivintu ivyinji ivyiza, ababombela aba Izilayeli, ukuyana ni chililizi chache, sona ni chisa chache ichikulu.

Daniyeli 6:10

Bo u Daniyeli azyaghannya ukuti ululaghilo lula lwabikiwa, akabwela nukwinjila muchipinda chache icha pamwanya, chicho amabwindo ghache ghakighuliwa umwakwenannya nakaya akakulu nkani aka Yelusalemu. Akafughamagha katatu pisiku pakwiputa, nukumupalizya u Chala ukuyana namumo akabombelagha pakwanda.

Matayi 24:35

Kumwanya ni chisu ichapasi vikwiza pakumala, loli amazyu ghane ghakwiza pakuba na maka bwila na bwila.

Matayi 5:18

Naloli nkubabuzya ukuti bo kumwanya na pasi vitazimiye nakope akasimbo akanandi pamo akasonga akasimbo kepepo pa Ndaghilo, mupaka vyosi vinivi vikwanilisiwe.

Yohani 1:17

U Chala akatupa Indaghilo ukwendela mwa Mozesi, loli akatupa ichisa nu bwanaloli ukwendela mwa Yesu Kilisitu.

Yohani 10:35

Tuzimenye ukuti zizyo Amasimbo ghakuti zyanaloli bwila na bwila, sona u Chala akabita abantu bala ukuti bachala, ku bantu babo amazyu ghakaneniwangako.