Masalimo 137:6 - IBAYIBOLO 2024

⁶ Ululimi lwane lukakatilaye kumwanya kumilomo, Nanti intakukumbuka, sona nanti intakumubika u Yelusalemu pamwanya palusekelo lwane.

Masalimo 137:6 Iomraidhean Croise

Yobu 29:10

Abantu abamanyikwe bakasona imilomo, po wesi akaba ngati we chinunu.

Yobu 31:22

po leka ichipunko chane chipyonkonkane, sona inyobe yane yipyokaye mumpingu.

Masalimo 22:15

Amaka ghane ghumiye ngati lwinga, lope ululimi lwane lukakatiye ku njegho zyane. Wandambalizizye mulufumbi ukuti infwilaye mulamula.

Masalimo 84:10

Ukuba palubinjilo lwako isiku lyoka, chizapo ukuti ane imbanje mulubinjilo lwako ukuchila pakubapo amasiku amasabuzani kosi na kosi. Chingaba chizapo ukuti imbanje ne mulindilili uwa pamulyango uwa Nyumba iya Chala, ukuchila ukuti imbanje muchisakasa icha bantu ababibi.

Yesaya 41:17

“Abapina na bakusobelwa bakulonda amizi, loli amizi naghamo, kusingo kwabo kumiye. Loli ane ne Mwene nkwiza pakubamula, ane ne Chala uwa Izilayeli, ntakwiza pakubaleka.

Nkuto 4:4

Pachifukwa icha nyota, ululimi ulwa mwana wache lulematiye ichikende. Abana babo bakulonda ivibama, loli atalipo nayumoyumo umuntu uwakubapa.

Ezekiyeli 3:26

Nkwiza pakululematizya ululimi lwako kumwanya ku mulomo, umwakuti ubanje we chinunu sona utakabachemelaye, napapo basambuke.

Matayi 6:33

Loli amwe, mulondaye tasi Ubumwene ubwa Chala nukubomba zizyo akulonda, po akwiza pakubapa ivintu vyosi vinivi.

Imbombo 20:24

Loli intakupasyapo nizya bumi bwane ukuti bwapamwanya kukwane. Pakuti chicho nkulonda chakuti imalizye imbombo yane, sona nu butumiwa bubo u Mwene u Yesu akampa ubwakulumbilila Amazyu Amiza aghakunena nizya chisa icha Chala.

Aba Filipi 1:20

Polelo nkulindilila nukumusubila nkani ukuti ntakwiza pakubombapo nachimo chicho chingankozya isoni. Loli nkusubila ukuti nkwiza pakujimba umoyo, umwakuti ilelo ngati bwila, u Kilisitu akwiza pakuchindikiwa mumwane, manyi mubumi, manyi mu bufwe.