Masalimo 137:1 - IBAYIBOLO 2024

¹ Mulubazu ulwa soko izya Babiloni, momumo tukikala pasi nukulila, bo twakumbuka u Ziyoni.

Masalimo 137:1 Iomraidhean Croise

Ezila 8:21

Palapala pampindulila iya Ahava nkafumusya ukuti abantu batuzye pakulya, umwakuti twiyisye pamaso pa Chala witu nukumulaba ukuti aswe na bana bitu poka nu katundu wesi ukuti tubanje nu bulendo ubwiza.

Ezila 8:31

Pisiku ilya 12 mumwezi uwakwanda tukepapo pampindulila iya Ahava, po tukabuka ku Yelusalemu. U Chala witu akatupelela ichisa, po akatuvighilila kubalwani bitu nakumavyondongo muzila.

Nehemiya 2:3

Loli nkamwamula u mwene nkati, “Wee mwene, nkukulondela ubumi ubutali. Nkimba choni chicho ntangasulumannya, bo akaya akakulu nkani mumo muli amapumpa agha banyenya bane kaba chisami sona imilyango yache yochiwe?”

Masalimo 42:4

Umoyo wane ghukumbaba nanti navikumbuka ivintu ivyakale, bo nkuvikumbuka vinivi, nkuchilongozezya ichilundilo ku Nyumba iya Chala. Nkabalongozya bo bakwenda mumusebo, sona bo bakukolomoka umwalusekelo pakwimba inyimbo izyakupalizikizya u Chala.

Yesaya 66:10

“Sekelagha poka nu Yelusalemu, sona muhobokaye nawe, mwebosi mwe mumughanite, sekelagha nkani mwebosi, mwe mukumulilila.

Yelemiya 13:4

“Senda ulamba yuyo ukaghula yuyo uvwalite mumusana, nyamuka ubukaye kulusoko ulwa Yufuleti nukumufisa mumpako iya mabwe.”

Yelemiya 15:17

Intakikala poka na bantu abantuko, intakasekelela poka nabo, nkikala nemwene, pachifukwa ichakuti inyobe yako yikaba papane sona umoyo wane ghukizula nubukali.

Yelemiya 51:13

Amwe mwe mukwikala kupipi nisoko inyinji, sona na mwe bakabi, ubumalilo bwinyu bwafika, sona ubumi bwinyu bwamala.

Yelemiya 8:19

Ivwa ukulila ukwa bantu bane abakufuma kuchisu icha kubutali, “Nkimba u Mwene atalimo muchisu icha Ziyoni? Fwandi u mwene atalimo mulamula?” U Mwene akwamula akuti, “Nkimba choni chicho bakunkalalizya ni vifwani vyabo? Sona ni vifwani vyabo iviyeni vivyo vite nimbombo nayimoyimo?”

Nkuto 1:16

“Ichi cho chifukwa nkulila sona amasozi ghatakukamuka mumaso ghane. Atalipo nayumoyumo uwakunsangalusya, sona nayumo umuntu uwakunkazya. Abana bane baba balanda, pachifukwa ichakuti abalwani bitu batupota.”

Nkuto 2:18

Amoyo agha bantu ghakumulilila u Mwene! Mwee bakolo aba mu Yelusalemu, leka amasozi ghinyu ghendaye pabusiku na pamusanya ngati zyo soko, Mutakatuzyanje, sona amasozi ghinyu ghatakalekaye, awe.

Nkuto 3:48

Isoko izya masozi zikwenda bulo mumaso ghane, pachifukwa ichakuti abantu bane bananganika.

Nkuto 3:51

Zizyo nkuzyennya zikunyizila cho chitima mumoyo wane, pachifukwa icha bakolo bosi aba mukaya kane akakulu nkani.

Ezekiyeli 1:1

Pisiku ilyafayivi, mumwezi uwafolo, mumwaka uwa 30, bo indi pakasi pabazya palusoko ulwa Kebali, kumwanya kukighuka sona nkennya ivisetuka ivya Chala.

Ezekiyeli 1:3

izyu ilya Mwene likamwizila u Ezekiyeli umuputi, umwana uwa Buzi, palusoko ulwa Kebali muchisu icha Babiloni. Mulamula inyobe iya Mwene yikaba papache.

Ezekiyeli 3:15

Nkafika ku bazya babo bakikalagha mu Teli Abibi kupipi nu lusoko ulwa Kebali. Palapala, po papo bakikalagha, nkikala pakasi papabo amasiku seveni bo nkuswighaswigha bulo.

Daniyeli 9:3

Po nkaghalabukila kwa Mwene u Chala nukumulambilizya pakwiputa, nkatuzya pakulya nukuvwala amasaka nukwinyafila itoyi, pachifukwa icha ichitima.

Luka 19:41

U Yesu akapalamila kukaya akakulu kalakala, po akakalilila, bo akennya,

Ubuvumbuli 11:3

Nkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”