Masalimo 136:26 - IBAYIBOLO 2024

²⁶ Mumupalizyanje u Chala uwakumwanya. Ulughano lwache lwa bwila na bwila.

Masalimo 136:26 Iomraidhean Croise

Nehemiya 1:4

Bo nivwa amazyu ghanagha, nkikala pasi nukulila. Naloli nkalila nukutuzya pakulya sona nkiputa kwa Chala uwakumwanya amasiku aminji nkani.

Nehemiya 2:4

U mwene akandalusya akati, “Nkimba ukulonda pakundaba ichoni?” Nkiputa kwa Chala uwakumwanya,

Masalimo 115:3

U Chala witu ali kumwanya, sona akubomba zyosi zizyo zikumuhobosya.

Masalimo 123:1

Nkwinusya amaso ghane kukwako, we ukwikala pachitengo icha bumwene kumwanya.

Daniyeli 2:18

Akababuzya ukuti biputaye kwa Chala uwakumwanya pakubapelela ichisa ukuti abavumbulilaye izyakubusyefu zinizi, umwakuti yuyo na bamanyani bache batakaghoghiwanje poka na bantu abamahala aba mu Babiloni.

Yona 1:9

U Yona akamula akati, “Ane ne mu Hebeli sona nkumwiputa u Mwene u Chala uwakumwanya, yuyo akapela inyanja ni chisu ichapasi.”

Ubuvumbuli 11:13

Pakabalilo kalakala kukaba akasenyenta akakulu nkani, umwakuti ichigaba choka pa vigaba 10 ivya kaya akakulu nkani vikananganika, sona abantu 7,000 bakaghoghiwa. Abantu bosi abanji bakatetema nukumuchindika u Chala uwakumwanya.