Masalimo 136:24 - IBAYIBOLO 2024

²⁴ Po akatupoka kubalwani bitu. Ulughano lwache lwa bwila na bwila.

Masalimo 136:24 Iomraidhean Croise

Nehemiya 9:27

Po ukababika munyobe izya balwani, babo bakabayivya nkani. Loli bo bayimba nkani, bakakulilila. Po kumwanya uko ukabivwa sona pachifukwa icha chisa chako ukabatumila abantu pakubapoka munyobe izya balwani babo.

Masalimo 107:2

Abapokiwa bosi bazifumusyanje zinizi, kokuti abantu babo akabapoka munyobe izya balwani,

Ukufuma 15:13

“Mulughano lwako lulo lutakupotwangapo nalumolumo, ukabalongolela abantu bako babo ukabatabula. Na maka ghako amakulu, ukabalongozezya kubuzilo bwako ubuzelu.

Yesaya 63:9

Mumayimba ghabo ghosi wepe bulo akayimba, po uwantumi yuyo akaba palapala akabapoka, akabapoka mulughano lwache na muchisa chache. Akabanyamula nukubasenda mumasiku aghakale.

Ukukumbusya Amalamulo 15:15

Mukumbukaye ukuti namwe bulo mukaba mwe bazya mu Ijiputi, sona u Mwene u Chala winyu akabapoka. Ichi cho chifukwa ilelo nkubapa ilamulo linili.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.