Masalimo 136:12 - IBAYIBOLO 2024

¹² Akabefya ninyobe yache iya amaka. Ulughano lwache lwa bwila na bwila.

Masalimo 136:12 Iomraidhean Croise

Masalimo 44:3

Batakachifyula ichisu pakubombezya abapanga babo, pamo ukupota ubwite na maka ghabo. Loli bakapota na maka ghako amakulu nkani agha nyobe yako indilo, sona nukulama ukwa cheni chako pakuti ukabaghana nkani.

Ukufuma 13:14

“Muntazi, nanti abana binyu bakubalalusya ukuti, ‘Nkimba ichi chikung'anamula ichoni?’ Mubamulaye ukuti, ‘U Mwene akatwefyamo mu Ijiputi, ichisu icha buzya na maka ghache amakulu.

Ukufuma 13:3

Po u Mozesi akababuzya abantu akati, “Mulikumbukilaye isiku linili, lilyo mukepelamo muchisu ichabuzya icha Ijiputi. Pisiku linili u Mwene akababefya na maka ghache amakulu. Mutakalyanje nachimochimo ichibama icha chilungo.

Ukufuma 15:6

Wee Mwene, inyobe yako indilo, yamaka nkani, yabatizannya abalwani.

Ukufuma 6:6

“Polelo ubabuzye aba Izilayeli amazyu ghane aghakuti, ‘Ane ne Mwene, nkwiza pakubatabula kubuzya ubwa ba Ijiputi pakubombezya amaka ghane amakulu, sona ni viswigho ivyamaka.

Yelemiya 32:21

Ukabefyamo aba Izilayeli mu Ijiputi bo ukulanjizya ivyika ni viswigho namaka amakulu nkani sona nivintu ivyakuboghofya abantu.

Imbombo 7:36

U Mozesi akabalongolela abantu ukwepamo mu Ijiputi, akabombagha ivyika ni viswigho mu Ijiputi napa Nyanja Inchesamu, sona na munkolongo amaka 40.

Ukukumbusya Amalamulo 4:34

Nkimba alipo u chala uyunji yuyo akayezyapo lumo pakubefya abantu bache muchisu icha bantu aba inko izinji ukuti babanje bantu abache na bache ukuyana namumo u Mwene u Chala winyu akabombela namwe mu Ijiputi? Akabomba zinizi na maka amakulu nkani, bo mukwennya na maso ghinyu. Akabawisizya iviwaya nubwite, akabomba ivyika ni viswigho, sona ni vintu ivyakoghofya.