Masalimo 136:1 - IBAYIBOLO 2024

¹ Mumupalizyanje u Mwene, pakuti mwiza. Ulughano lwache lwa bwila na bwila.

Masalimo 136:1 Iomraidhean Croise

1 Imbili 16:34

Mumupalizyanje u Mwene, pakuti mwiza, ulughano lwache ulwa bwila na bwila.

1 Imbili 16:41

Abantu bala bakaba poka nu Hemani nu Yedutuni sona na bosi babo bakasaliwa pakutambula amatabwa ghabo ukuti bamupalaye u Mwene pachifukwa icha lughano lwache lulo lutakumala nalumolumo.

2 Imbili 20:21

Bo u Yehoshafati anenezannya na bantu, akabasala abantu ukuti bamwimbilaye u Mwene nukumupala sona bakavwala inkazo izelu, bo bakwenda pantazi pabasilikali nukwimba ukuti, “Mumupalizyanje u Mwene pachifukwa ichakuti ulughano lwache lwa bwila na bwila.”

2 Imbili 7:3

Bo aba Izilayeli bosi bennya umoto ghukwika sona nu buchindamu ubwa Mwene pamwanya pa Nyumba yila, bakafughama pamabwe bo ivyeni vyabo vikotamiye pasi. Po bakamwiputa nukumupalizya u Mwene bakati, “We mwiza. Ulughano lwako lwa bwila na bwila.”

2 Imbili 7:6

Abaputi bakimilila mubuzilo bwabo, ngati mumo bakabombela aba Levi babo bakaba ni vyimbilo ivya Mwene, vivyo u mwene u Devedi akapanga ukuti vibanje vyakumupalizikizya u Mwene, sona vivyo bakabombezyanga pakumupalizya, bo bakuti, “Ulughano lwako lwa bwila na bwila.” Umwakwenannya naba Levi bala, abaputi bakalizyanga amapati ghabo, po aba Izilayeli bosi bakimililagha.

Ezila 3:11

Bakimbagha inyimbo izyakumupala nukumupalizya u Mwene bakatinji, “U Mwene mwiza, sona ulughano lwache paba Izilayeli lwa bwila na bwila.” Po abantu bosi bakakolomoka nkani pakumupala u Mwene, pachifukwa ichakuti imbombo iyakwala ulwalo ulwa Nyumba iya Mwene yikanda.

Masalimo 100:5

Pakuti u Mwene mwiza, sona ulughano lwache lwa bwila na bwila. Akubanga musubiliwa mupaka inkulilo zyosi.

Masalimo 103:17

Ukufuma kubwandilo mupaka kubumalilo ulughano ulwa Mwene lwa bwila na bwila ku bantu babo bakumuchindika, ubugholosu bwache ubwa banyenya babo.

Masalimo 105:1

Mumupalizyanje u Mwene, sona mulichindikaye itabwa lyache. Muzifumusyanje imbombo zyache pakasi pabantu aba inko izinji.

Masalimo 106:1

U Mwene apaliwanje. Mumupalizyanje u Mwene pakuti mwiza, ulughano lwache ulwa bwila na bwila.

Masalimo 107:1

Mumupalaye u Mwene pakuti mwiza, ulughano lwache lwa bwila na bwila.

Masalimo 118:1

Mumupalizyanje u Mwene, pakuti mwiza, ulughano lwache lwa bwila na bwila.

Masalimo 119:68

We mwiza sona ukubomba zyo nyiza, po umanyisyanje amalamulo ghako.

Yelemiya 33:11

amazyu agha buhobosu nulusekelo, na mazyu agha bantu babo bali palusekelo ulwa sendwa iya mulindu nu mulumendo, sona ninyimbo izya babo bakubika ivyakwiyipa ivyakupalizikizya mu Nyumba iya Mwene ivyakuti, ‘Mumupalizyanje u Mwene Uwamaka Ghosi pakuti u Mwene mwiza, ulughano lwache lwa bwila na bwila.’ Pakuti nkwiza pakuchinyosezya ichisu ubwiza bwache ngati mumo bukabela kale.

Luka 1:50

ukwandila inkulilo yoka mupaka iyamwabo akubapelela ichisa abantu babo bakumuchindika.

Yuda 1:21

Mwikalaye mulughano ulwa Chala, bo mukulindilila u Mwene witu u Yesu Kilisitu ukuti abape ubumi ubwa bwila na bwila ukwendela muchisa chache.