Masalimo 135:8 - IBAYIBOLO 2024

⁸ Akabaghogha abakatote bosi aba ba Ijiputi, sona nu mwana wesi uwa chinyamana uwakwanda pakupapiwa.

Masalimo 135:8 Iomraidhean Croise

Masalimo 105:36

Akabaghogha abakatote bosi abalumendo muchisu chabo, babo bakaba seke izyakwanda izyabwanavuli bwabo.

Masalimo 136:10

Akabaghogha abana abakatote abalumendo aba ba Ijiputi. Ulughano lwache lwa bwila na bwila.

Masalimo 78:51

Akabaghogha abakatote bosi aba muchisu icha Ijiputi, abakatote aba bantu muchisakasa icha Hamu.

Ukufuma 12:12

“Ubusiku bunubu nkwiza pakudumusannya muchisu chosi icha Ijiputi, po nkwiza pakumughogha ukatote wesi umulumendo nu mwana wesi uwakwanda pakupapiwa uwa chinyamana. Nkwiza pakubafunda abachala abanji bosi aba muchisu icha Ijiputi. Ane ne Mwene.

Ukufuma 13:15

Bo umoyo uwa Falabo waba mukafu nkani nukukana pakutwitikizya ukuti tubukaye, u Mwene akabaghogha abakatote bosi abalumendo muchisu icha Ijiputi. Akabaghogha sona na bana abakwanda pakupapiwa aba vitekwa bulo. Ichi cho chifukwa tukubika ichakwiyipa kwa Mwene umwana wesi umwanavuli uwakwanda pakupapiwa uwa chinyamana. Loli tubaghiye pakubatabula abakatote bitu bosi abalumendo.’

Imbombo 7:7

Loli nkwiza pakuzifunda inko zizyo zikwiza pakukubombela pakuba bazya, pisinda pache abaluko lwako bakwiza pakwepamo muchisu chilachila nukunyiputa pabuzilo ubu.’