Masalimo 132:9 - IBAYIBOLO 2024

⁹ Abaputi bako bavwalaye ubugholosu, sona abantu bako abazelu bimbaye nu lusekelo.

Masalimo 132:9 Iomraidhean Croise

2 Imbili 6:41

Po wee Mwene u Chala, nyamuka zagha kubuzilo bwako ubwakutuzizyapo, poka ni Bokosi lyako ilya Lufingo lilyo maka ghako. Wee Mwene u Chala, abaputi bako bavwalaye ubupoki, sona ababombi bako abazelu basekelaye pachifukwa icha ubwiza bwako.

Yobu 29:14

Ichakuvwala chane chikaba bugholosu, ubwanaloli bukaba nkazo yane, sona bukaba chisote.

Masalimo 104:1

Wee moyo wane, umupalaye u Mwene. Wee Mwene Chala wane, we mukulu, sona uvwalite ubuchindamu nu bumwene.

Masalimo 132:16

Abaputi bache akwiza pakubavwika inkazo izya bupoki, po abantu bache abazelu, bakolomokaye nu lusekelo.

Masalimo 149:5

Abantu abasubiliwa basekelaye pachifukwa icha buchindamu bwache, sona bimbaye umwakuhoboka nu lusekelo bo balambalaye pavitala vyabo.

Masalimo 47:1

Mwee bantu aba inko izinji, komagha inkufi, mumwimbilaye umwakulomoka u Chala pachifukwa icha buhobosu.

Masalimo 68:3

Loli abagholosu bahobokaye, sona basekelaye pantazi pa Chala, naloli basekelaye pachifukwa icha kuhoboka.

Masalimo 70:4

Loli bosi babo bakukulondelezya, basekelaye nukuhoboka pachifukwa icha wewe. Babo babughanite ubupoki bwako akabalilo kosi batinji, “U Chala akweziwanje.”

Masalimo 93:1

U Mwene we mwene. Avwalite ubuchindamu na maka. Ukuchikazya ichisu chosi mubuzilo bwache chitakwiza pakuyingana.

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Yesaya 65:14

Ababombi bane bakwiza pakwimba, nukuhoboka mumoyo, loli amwe mukwiza pakulila, pachifukwa icha kubaba mumoyo, pachifukwa icha kuyimba ukwa mumuzimu.

Zefaniya 3:14

Wee Ziyoni, imbagha nkani! Wee Izilayeli, kolomokagha nkani! Wee Yelusalemu, hobokagha nukusekela nu moyo wako ghosi!

Zekaliya 9:9

Mwee bantu aba mukaya akakulu nkani aka Ziyoni, sekelagha nkani! Mwee bantu ba mu Yelusalemu, hobokagha! Ennya, u mwene winyu akwiza kukwinyu, mugholosu sona ali nubupoki, mololo sona akwelite pampunda inyanavuli, umwana wampunda.

Aba Loma 13:14

Loli umwenecho u Mwene u Yesu Kilisitu abanje chilwilo chinyu icha bwite, sona mutakakonkaye ivinyonywa vyinyu ivibibi ivyakupapiwa navyo, nukubomba vivyo ghakulonda.

1 Pitala 5:5

Umwakuyana bulo, namwe mwe balumendo, mubivwilaye abantu abasongo. Mwebosi mubanje nu moyo uwakwiyisya bo mukubombelana mwebenebene pakuti Amasimbo ghakuti, “U chala akubasusya abantu abamituvyo, loli akubalanjizya ichisa abantu abakwiyisya.”

Ubuvumbuli 19:8

Yuyo akusendwa apeghiwe amenda amaswepu, sona ghagho ghasoniwe akiza ukuti avwalaye.” (Amenda amaswepu ghakwimilila imbombo inyiza izya bantu abazelu aba Chala.)

Abalongi 5:31

“Wee Mwene, abalwani bako bosi bazimile bunubu. Loli abamanyani bako balamaye ngati mumo izuba likulamila, bo likufuma.” Po muchisu chila mukabamo umutende amaka 40.