Masalimo 132:17 - IBAYIBOLO 2024

¹⁷ “Palapala nkwiza pakubukwezezyapo ubumwene ubwa Devedi, sona namuyanizyizya inyale umupakiwa wane.

Masalimo 132:17 Iomraidhean Croise

1 Abamwene 11:36

Loli nkwiza pakumulekela umwana wache uluko loka, umwakuti umubombi wane u Devedi alaghilaye mu Yelusalemu, mukaya akakulu nkani kako nakasala ukuti bubanje buzilo ubwa kunchindikilamo.

1 Abamwene 15:4

Loli pachifukwa icha Devedi, u Mwene u Chala wache akamupa u Abiya umwana uwakuti amupyane pakuba we mwene mu Yelusalemu, sona nukuti akasungilile akiza akaya akakulu nkani aka Yelusalemu.

2 Abamwene 8:19

Pope bulo u Mwene atakalondagha pakuchinangannya ichisu icha Yuda, pachifukwa icha mubombi wache u Devedi. Pakuti u Mwene akamulayizya ukuti abaluko lwache bakwiza pakulaghila bwila na bwila.

2 Imbili 21:7

Pope bulo u Mwene atakalondagha pakubanangannya abamunyumba iya Devedi, pachifukwa icha lufingo lulo akafingana nu Devedi. Pakuti akamulayizya ukuti yuyo, poka na baluko lwache bakwiza pakulaghilagha bwila na bwila.

Masalimo 148:14

Abakwezya abantu bache, pakubapa amaka, abantu bache abasubiliwa ukuti bamupalaye, u Izilayeli yuyo wapamoyo wache. U Mwene apaliwanje.

Masalimo 89:25

Nkwiza pakubika inyobe yane panyanja inkulu nkani, po inyobe yache indilo palusoko ulwa Yufuleti nu Tigilisi.

Masalimo 92:10

Loli waghakwezya amaka ghane ngati lupembe ulwa mpogho, wapungulila amafuta gha syunguti pamutu wane.

Ezekiyeli 29:21

Pakabalilo kalakala nkwiza pakuyikwezya impembe paba Izilayeli, po nkwiza pakwighula umulomo wako ukuti unene pakasi papabo. Po bakwiza pakumanya ukuti ane ne Mwene.”

Luka 1:69

Atupa Umupoki uwamaka, uwaluko uwa mubombi wache u Devedi.

1 Samuweli 2:10

Abantu babo bakususannya nu Mwene, bakwiza pakuzimila, sona akwiza pakubapayila ukufuma kumwanya. U Mwene akwiza pakubalonga mupaka kubumalilo ubwa chisu ichapasi. “Akwiza pakumupa amaka u mwene wache, nukughakwezya amaka agha lupembe ulwa mupakiwa wache.”