Masalimo 132:11 - IBAYIBOLO 2024

¹¹ U Mwene akalapa kwa Devedi po atakwiza pakuchandula ichilapo chache akati, “Nkwiza pakumwikazya pachitengo icha bumwene weka uwa bana bako abalumendo.

Masalimo 132:11 Iomraidhean Croise

2 Samuweli 7:12

Nanti amasiku ghako ghamala, sona nanti wabakonka abanyenya bako kwipumpa, nkwiza pakumupela weka uwa baluko lwako pakuba wampyana wako, yuyo akwiza pakuba mwana uwako nu wako, po nkwiza pakubwikazya ubumwene bwache.

2 Samuweli 7:14

Nkwiza pakuba ne wise, po umwene akwiza pakuba mwana wane. Nanti akunanga, nkwiza pakumufunda ni ndisa ngati mumo uwise akumufundila umwana wache.

2 Samuweli 7:16

Inyumba yako nu bumwene bwako vikwiza pakubangako bwila na bwila pamaso papane. Ubumwene bwako bukwiza pakwikalana bwila na bwila.’ ”

1 Abamwene 1:48

Po akati, ‘Apaliwanje u Mwene u Chala uwa ba Izilayeli, yuyo anyitikizya ukuti ilelo imwennye umuntu yuyo akwiza pakwikala pachitengo chane icha bumwane.’ ”

1 Abamwene 8:25

Wee Mwene, u Chala uwa Izilayeli, ilelo kwanilisya zizyo ukamulayizya umubombi wako utata wane Devedi bo ukumubuzya ukuti, ‘Utakwiza pakusobelwapo nalumolumo umuntu uwakwikala pamaso papane pachitengo icha bumwene mu Izilayeli, nanti abana bako bakubomba akiza pakuzikonka indaghilo zyane ngati mumo wabombelagha.’

2 Imbili 6:16

“Wee Mwene, u Chala uwa Izilayeli, ilelo kwanilisya zizyo ukamulayizya umubombi wako utata wane u Devedi, bo ukumubuzya ukuti, ‘Utakwiza pakusobelwapo nalumolumo umuntu uwakwikala pamaso papane pachitengo icha bumwene mu Izilayeli, nanti abana bako bakubomba akiza pakuzikonka indaghilo zyane ngati mumo wabombelagha.’

2 Imbili 7:18

nkwiza pakubwikazya ubumwene bwako ukuyana namumo nkafingila nu ghuso u Devedi bo namubuzya ukuti, utakwiza pakusobelwapo umuntu nayumoyumo uwakwikala pachitengo icha bumwene mu Izilayeli.”

Masalimo 110:4

U Mwene alapa, po atakwiza pakwandula inyinong'ono zyache. “Awe we muputi uwa bwila na bwila mulubatiko ulwa buputi ubwa Melekizedeki.”

Masalimo 89:33

Pope bulo ntakwiza pakwefya ulughano lwane papache, sona ntakwiza pakuba ne musubiliwa.

Masalimo 89:35

Nalapa aka kwanda naka bumalilo mubuzelu bwane, ukuti ntakwiza pakumuzimbula u Devedi.

Masalimo 89:37

Ubumwene bwache bukwiza pakwikalana bwila na bwila ngati mwezi, ubusubiliwa bunubu bukubikila ubwakaboni mumwanya.”

Masalimo 89:5

Wee Mwene kumwanya kupalaye imbombo zyako izyakuswighisya, ulukomano ulukulu nkani ulwa bantumi lukupalaye pachifukwa icha busubiliwa bwako.

Ukubelengiwa 23:19

U Chala te muntu uwakuti angatamanta, pamo te mwana uwa muntu uwakuti angandula inyinong'ono zyache. Nkimba anenitepo chimo ukusita pakuchibomba? Nkimba alayizizyepo chimo ukusita pakuchikwanilisya?

Luka 1:32

Akwiza pakuba mukulu nkani, sona akwiza pakwitiziwa ukuti we Mwana uwa Chala Uwakumwanya Nkani. U Mwene Chala akwiza pakumupa ichitengo icha bumwene ubwa munyenya wache u Devedi,

Imbombo 2:30

Akaba mulaghuzi, sona akazimanya zizyo u Chala akamulayizya: U Chala akalapa ukuti weka uwaluko lwache akwiza pakupyana ubumwene bwache.

Aba Hebeli 6:18

Pali ivintu vibili, vivyo vitanganduka, sona muvivyo u Chala atangatamanta. Po aswe twe twabwagha ubupoki na yuyo, twakaziwa nkani umoyo pakulemezya ulusubilo, lulo atubikiye pantazi papitu.

1 Samuweli 15:29

U Chala uwabuchindamu uwa Izilayeli atakutamanta, pamo ukwandula inyinong'ono. Pakuti te muntu ukuti andule inyinong'ono.”