Masalimo 130:2 - IBAYIBOLO 2024

² Wee Mwene, ivwa ukulila kwane, amakutu ghako ghivwanje ukulila kwane ukuti umpelelaye ichisa.

Masalimo 130:2 Iomraidhean Croise

2 Imbili 6:40

“Polelo we Chala wane, leka amaso ghako ghennye, sona amakutu ghako ghateghelezye inyiputo zizyo abantu bako bakwiputa pabuzilo ubu.

Nehemiya 1:11

Wee Mwene ivwa ulwiputo lwane ne mubombi wako sona nulwa babombi bako, babo bakulichindika itabwa lyako. Itikizya ukuti ivintu vinyendelaye akiza ne mubombi wako pakumpelela ichisa pamaso pa mwene.” Pakabalilo kalakala nkaba ne wakumupa uvinyo u mwene.

Nehemiya 1:6

Ivwa sona wennye namumo ne mubombi wako nkwiputila pamaso papako umusanya nu busiku ukubiputila ababombi bako aba Izilayeli. Nkwilata imbibi zizyo aswe twe ba Izilayeli poka nane sona na banyenya bane twakunangila.

Masalimo 140:6

Wee Mwene, nkukubuzya nkuti, “Awe we Chala wane.” Wee Mwene, ivwa ukulila kwane ukuti unyavwe.

Masalimo 17:1

Wee Mwene teghelezya, bo nkulaba, sona ivwa ukulila kwane! Ivwa ulwiputo lwane lulo lukufuma mumulomo uwanaloli.

Masalimo 28:2

Unteghelezyanje bo nkulila ukuti umpelele ichisa sona bo nkulila, nkulaba ubwavwilizi. Unteghelezyanje bo nagholosezya inyobe zyane ku Buzilo bwako Ubuzelu Nkani.

Masalimo 5:3

Wee Mwene wane, pandabindabi ukwivwa izyu lyane, sona pandabindabi nkukubuzya vivyo nkuvilonda, po nkulindilila ukuti unyamule.

Masalimo 64:1

Wee Chala wane ivwa izyu lyane bo nkukulambilizya, poka ubumi bwane munyobe izya balwani.

Yesaya 37:17

Wee Mwene tegha ikutu lyako, wivwe, wee Mwene ighula amaso ghako, po wennye sona teghelezya amazyu ghosi agha Senakelibu ghagho atuma pakukusamula awe we Chala umumi.