Masalimo 13:2 - IBAYIBOLO 2024

² Nkimba nivwanje ububavu mumoyo mupaka liyi? Sona imbanje ni chitima mumoyo mupaka liyi? Nkimba abalwani bampotaye mupaka liyi?

Masalimo 13:2 Iomraidhean Croise

Nehemiya 2:2

Po u mwene akandalusya akati, “Nkimba choni chicho usulumanizye. Awe utabinite, loli kokuti chilipo ichintu chimo chicho utahobokite nacho?” Po nkanyilagha nkani.

Esitele 7:6

U Esitele akamula akati, “Umuvwimi, sona umulwani witu we Hamani umuntu umubibi.” Po u Hamani akaba nubogha nkani pamaso pa mwene sona na pamaso pa mwene umukolo yula.

Yobu 10:15

Nanti indi ninongwa, kokuti naghuniwa! Napapo ne muntu musita nongwa, pope bulo intanginusya amaso ghane, pakuti indi ni soni pachifukwa icha mayimba ghane.

Masalimo 10:18

Ubimilaye abalanda na bakuyiviwa ukuti umuntu wesi, yuyo akwikala pachisu ichapasi, atakaboghofyanje sona.

Masalimo 116:3

Inkusa izya bufwe zikampinya, intamyo izya mapumpa zikangwila. Nkayimba nkani pachifukwa icha ntamyo na mayimba.

Masalimo 17:9

Utakabitikizyanje abantu ababibi ukuti bangoghe, abalwani bane abakoghofya babo bazyunguliye.

Masalimo 31:18

Abantu abamyasi babanje bulo myee, pakuti bakituvyanga nukubasamula abantu abagholosu.

Masalimo 38:17

Pakuti indi papipi pakuwa, inchili nkwivwa ububavu.

Masalimo 42:4

Umoyo wane ghukumbaba nanti navikumbuka ivintu ivyakale, bo nkuvikumbuka vinivi, nkuchilongozezya ichilundilo ku Nyumba iya Chala. Nkabalongozya bo bakwenda mumusebo, sona bo bakukolomoka umwalusekelo pakwimba inyimbo izyakupalizikizya u Chala.

Masalimo 6:4

Wee Mwene mpoka, sona umpokaye pachifukwa icha lughano lwako, lulo lutakumala nalumolumo.

Masalimo 7:2

Lumo banganzepulannya ngati mumo inkalamu yikuzepulila inyama, nukunyonkolannya ukusita umuntu nayumoyumo uwakumpoka.

Masalimo 74:10

Wee Chala, nkimba abalwani bitu batusekaye mupaka liyi? Nkimba balisamulaye itabwa lyako bwila na bwila?

Masalimo 74:18

Wee Mwene kumbuka namumo umulwani akobezezya, sona namumo abantu abapunganu balisamulila itabwa lyako.

Masalimo 8:2

Namapalo agha bana abanandi na babonda wazenga ilinga pachifukwa icha balwani bako; umwakuti ubasone imilomo bosi babo bakusambukiye.

Masalimo 9:6

Abalwani bitu bazimila, watumongolannya utwaya twabo utukulu nkani, umwakuti tutakwiza pakukumbukiliwa sona.

Ivyili 15:13

Nanti umoyo ghukuhoboka, chope icheni chikuhobokagha, loli umoyo uwa chitima ghukughuvulazya umuzimu.

Umulumbilili 5:17

Amasiku ghache ghosi agha bumi bwache gha chisi, gha chitima, gha ntamyo, gha mayimba, sona nu bubine.

Yelemiya 15:18

Nkimba choni chicho ukubaba kwane kutakumala ichilonda chane chitakupola sona choni chicho chitangapoziwa? Nkimba ukulonda pakuba ngati kasoko kako kakupwa, sona ngati mbwibi yiyo yikukamuka?”

Yelemiya 45:3

awe ukati, ‘Chighune kukwane! U Mwene onjelezyapo ichitima pamwanya pabubavu bwane. Nalita nukukoloma sona intakubwaghapo ubutuzyo.’ ”

Yelemiya 8:18

Ukubaba ukwa moyo wane kute numulembo naghumoghumo, umoyo wane wawa amaka.

Nkuto 1:5

Babo bamubengite bo babo bali pakumulaghila, sona abalwani bache ivintu vyabo vikubendela akiza. U Mwene amufunda u Yelusalemu pachifukwa icha mbibi zyache inyinji, sona abana bache balemiwa pakuba bazya aba balwani bache.

Nkuto 1:9

Ubunyazu bwache bukakatiye pamenda ghache, pakuti atakinong'onelaghako nizya lufundo lwache. Ukunanganika kwache kukaba kwakoghofya nkani, umwakuti patakabapo uwakumusangalusya. “Wee Mwene, ennya amayimba ghane, pakuti abalwani bane bampota.”

Nkuto 5:20

Nkimba choni chicho akabalilo kosi ukutuluvyanga, sona choni chicho watuleka twebene ukwa kabalilo akatali nkani?

Matayi 26:38

Akababuzya akati, “Umoyo wane wizuye ni chitima ichikulu nkani ichakufwa nacho. Ikala pano nukuchelezya poka nane.”

Luka 22:53

Isiku ni siku nabanga namwe mu Nyumba iya Chala, loli mutakandema. Loli akabalilo aka chisi ko kabalilo kinyu akakubombela.”

Yohani 16:6

Po amoyo ghinyu ghizuye ni chitima pakuti nababuzya zinizi.

Aba Loma 9:2

bo nkunena ukuti indi ni chitima ichikulu nkani, sona umoyo wane ghukubaba ukusita ukumala,

Aba Filipi 2:27

Momumo akabina nkani, umwakuti akapalamilagha kubufwe. Loli u Chala akamupelela ichisa, sona atakamupelela ichisa mwene, loli akampelela ichisa nane bulo, umwakuti intakabe ni chitima nkani.

1 Samuweli 18:29

u Sabuli akendelela pakumunyila nkani u Devedi, umwakuti u Devedi akaba mulwani wache mubumi bwache bosi.

1 Samuweli 24:19

Nanti umuntu amwagha umulwani wache, nkimba angamuleka bulo? Polelo u Mwene akupe umuvwalo umukulu pachifukwa icha vivyo wambombela ilelo.