Masalimo 129:5 - IBAYIBOLO 2024

⁵ Bosi babo bamubengite u Ziyoni, bakoziwanje isoni nukuchimbiziwa.

Masalimo 129:5 Iomraidhean Croise

Nehemiya 6:16

Bo abalwani bitu bosi, sona ninko impalamani bivwa zinizi, bakanyila nkani, sona amaka ghakabawila, pachifukwa ichakuti bakazyaghannya ukuti u Chala akaba weyuyo akatwavwa pakubomba imbombo yiniyi.

Esitele 6:13

nukumubuzya umuchi u Zeleshi poka na bamanyani bache bosi vyosi vivyo vikamuwila. Po abantu babo bakamulingannyanga amahala poka nu muchi u Zeleshi bakamubuzya ukuti, “Nanti u Molodikayi umuntu yuyo akakozya isoni naloli we mu Yuda, atangiminkana nawe. Naloli wewe ukwiza pakunanganika.”

Esitele 9:5

Aba Yuda bakabaghogha abalwani babo bosi, nukubazimizya bosi sona bakababombela abalwani babo ukuyana namumo bakalondelagha.

Masalimo 122:6

Mwiputilaye umutende uwamu Yelusalemu mutinji, “Abantu babo bakughanite ivintu vibendelaye akiza.

Masalimo 40:15

Baswighaye nukukoziwa isoni bosi babo bakunyobezya bakuti, “Eya, eya!”

Masalimo 71:13

Abantu babo bakusunsya bazimilaye pachifukwa icha soni, sona bope babo bakulonda pakunvulazya, basamuliwanje nukukoziwa isoni.

Yesaya 10:12

Po u Mwene ayimalizya imbombo yache yosi Pighamba ilya Ziyoni na mu Yelusalemu akwiza ukunena ukuti, “Nkwiza pakumufunda u mwene uwamu Asiliya, pachifukwa icha mituvyo nukwikwezya.

Yesaya 29:8

ngati mumo umuntu uwazala akulotela ukuti alipakulya, loli bo alamusya, akwivwanga izala, ngati mumo umuntu yuyo ali ni nyota akulota ukuti ali pakung'wela loli bo akulamusya akwivwanga inyota. Momumo zikwiza pakubela nutwaya utwa inko zyosi, tuto tukulwana ni Ghamba ilya Ziyoni.

Yesaya 37:22

agha gho mazyu ghagho u Mwene akamubuzya umwakususannya nawe akati, Abantu aba mu Ziyoni, bakukusamula nukukobezya. Abantu aba mu Yelusalemu bakupukunnya imutu yabo bo ukuchimbila.

Yesaya 37:35

“Nkwiza pakukazighilila akaya akakulu nkani aka nukukapoka, pachifukwa chanene, sona na pachifukwa icha mubombi wane u Devedi!”

Mika 4:11

Loli inko inyinji zyakubunganila ukuti zilwe namwe ubwite. Bakuti, “Muleke abanje munyazu, ghaleke amaso ghitu ghamulolotele u Ziyoni!”

Zekaliya 12:3

Pisiku lilalila, bo inko zyosi izya pachisu ichapasi zimubunganiye, nkwiza pakumupela u Yelusalemu pakuba libwe lilyo litakuyingana pakasi pa inko zyosi. Abantu bosi babo bakuyezya pakuliyingannya bakwiza pakwivulazya bene.

Zekaliya 12:6

“Pisiku lilalila nkwiza pakubapela abalongozi aba mu Yuda pakuba ngati moto mumusitu, sona ngati nkose izya ngano inyumizu. Zikwiza pakuzilungulizya inko zyosi zizyo zibazyunguliye kundilo na kumongo, loli u Yelusalemu akwiza pakwikala mubuzilo bwache.

1 Aba Kolinti 16:22

Umuntu wesi yuyo atakumughana u Mwene, ichighune chibanje papache! Malanata kokuti Mwene witu, zagha!