Masalimo 128:2 - IBAYIBOLO 2024

² Ukwiza pakulyanga ivikomwa ivya mbombo zyako, ukwiza pakuba we musayiwa, sona ivintu vikwiza pakukwendelagha akiza.

Masalimo 128:2 Iomraidhean Croise

Ubwandilo 3:19

Ukwiza pakutwinkagha nkani mubumi bwako bosi ukuti uchaghe ichakulya, mupaka unyokele sona kwitope. Pakuti ukafumila kwitope, po ukwiza pakunyokela kwitope.”

Masalimo 1:3

Umuntu yunuyu ayanite bulo nikwi ilya mulubazu ulwalusoko, lilyo likwela ivikomwa pakabalilo kache, amani ghache ghatakufoka. Vyosi vivyo akubomba vikumwendela akiza.

Masalimo 109:11

Umukopezya ndalama, amufyulaye vyosi vivyo ali navyo, bope abayeni babafyulaye ivikomwa vivyo, batakutwinkilapo.

Umulumbilili 8:12

Napapo umuntu umubibi anange nkani nukuba nubumi, pope bulo inzimenye ukuti umuntu yuyo akumuchindika u Chala ivintu vikwiza pakumwendelagha akiza.

Yesaya 3:10

Babuzye abagholosu ukuti vikwiza pakubendela akiza, pakuti bakwiza pakwilagha ivikomwa ivya mbombo zyabo.

Yesaya 62:8

U Mwene alapa ni nyobe yache indilo, sona ni nyobe yache iyamaka ukuti, “Ntakwiza pakukupa sona ingano, pakuba chakulya icha balwani bako, abayeni batakwiza pakung'wela sona uvinyo umupya, yuyo akwiyula nkani pakubomba.

Yesaya 65:13

Polelo u Mwene Uwamaka Ghosi akuti, “Ababombi bane bakwiza pakulya, loli amwe mukwiza pakuba nizala, ababombi bane bakwiza pakung'wela, loli amwe mukwiza pakubanga ninyota, ababombi bane bakwiza pakusekela, loli amwe mukwiza pakukoziwa isoni.

Yelemiya 22:15

“Nkimba ukwinong'ona ukuti, we mwene uwakubachila abamwinyu, pachifukwa ichakuti uzengeye inyumba yako na matabwa agha mwale? Nkimba ughuso atakaba ni chakulya sona ni chakung'wela? Akabomba chicho chikaba chigholosu sona ni chanaloli po vyosi vikamwendela akiza.

1 Aba Kolinti 15:58

Polelo bakamu bane baghaniwa mwimaye nkani, sona mutakayinganaye. Akabalilo kosi mwikolezannyanje nkani pakumubombela u Mwene pakuti muzimenye ukuti imbombo zizyo mukumubombela u Mwene zite izya bulo, awe.

Aba Efeso 6:3

“Umwakuti ivintu vikwendelaye akiza, sona nukuti amasiku agha bumi bwako muchisu ichapasi ghabanje minji.”

Ukukumbusya Amalamulo 28:11

U Mwene akwiza pakubasaya ni vintu ivyiza nkani muchisu chicho akabalayizya abanyenya binyu pakubapa abana abinji nkani, ni vitekwa ivyinji, sona ni nyinulo inyinji nkani.

Ukukumbusya Amalamulo 28:39

Amwe mukwiza pakubyala amampesya nukughalimilila akiza nkani, loli mutakwiza pakuyabamo, pamo ukung'wela uvinyo wache nalumolumo, pachifukwa ichakuti isomi zikwiza pakughalya amampesya ghala

Ukukumbusya Amalamulo 28:4

U Mwene abasaye na bana abinji nkani, ni nyinulo iya mumaghunda ghinyu, sona abape ing'ombe ni ng'ozi inyinji nkani.

Ukukumbusya Amalamulo 28:51

Bakwiza pakubalyela ing'ombe zyinyu, sona ni vya mumaghunda ghinyu mupaka mufwe nizala. Batakwiza pakubalekela nachimochimo ichintu manyi ngano, manyi we vinyo umupya, manyi mafuta agha misyunguti manyi ng'ombe manyi ng'ozi mupaka mufwe mwebosi.

Ukukumbusya Amalamulo 28:8

U Mwene, u Chala winyu akwiza pakuzisaya imbombo zyinyu zyosi, nukwizuzya intamba zyinyu. U Mwene u Chala winyu akwiza pakubasaya muchisu chicho akubapa.