Masalimo 127:3 - IBAYIBOLO 2024

³ Abana mpyana iyakufuma kwa Mwene, sona abizukulu gho muvwalo uwakufuma kukwache.

Masalimo 127:3 Iomraidhean Croise

Ubwandilo 1:28

U Chala akabasaya nukubabuzya ukuti, “Mupapanaye nukubala, sona mwizuzye ichisu ichapasi nukuchilaghila. Nkubapa ubulaghili pa iswi, ni viyuni, sona napa vinyamana vyosi ivyakwavula.”

Ubwandilo 24:60

Bakamusaya u Labeka ukuti, “Wee muyemba witu, u Chala akusaye ukuti ubanje we nyina uwa bantu amasabuzani na masabuzani. Abaluko lwako babapotaye abalwani babo.”

Ubwandilo 33:5

Bo u Esabu akutalankannya, akennya abakolo babili poka na bana. Po akabalalusya akati, “Nkimba abantu banaba bawenu?” U Yakobo akamwamula akati, “Banaba bo bana babo u Chala muchisa chache ampiye.”

Ubwandilo 4:1

Po u Adamu akamumanya umuchi wache u Eva, po umuchi wache akamela ulwanda. Akapapa umwana umulumendo po akati, “Nu bwavwilizi ubwa Mwene napokela umwana umulumendo.” Po akamwita ukuti we Kayini.

Ubwandilo 48:4

Akati, ‘Nkwiza pakukupa abana abinji, umwakuti abaluko lwako bakwiza pakuba bantu aba inko inyinji nkani. Nkwiza pakubapa abaluko lwako ichisu ichi pakuba chabo ni chabo bwila na bwila.’ ”

2 Samuweli 3:5

Umwana wache uwasikisi akaba we Itileyamu, yuyo unyina akaba we Egila. Banaba bakaba bana aba Devedi, babo bakapapiliwa mu Hebuloni.

1 Imbili 28:5

Sona pakasi pa bana bosi babo u Mwene ampiye, akamusala u Solomoni ukuti ikale pachitengo icha bumwene ubwa Mwene ukuti amulaghilaye u Izilayeli.

1 Imbili 8:40

Abana aba Ulamu bakaba balwabwite abajivu, babo bakamanya nkani pakubombezya ubwele nu tulasilo. Bakaba na bana na bizukulu abinji nkani, umwakuti bosi poka bakabapo 150. Bosi banaba bakaba baluko ulwa Benjamini.

Yobu 1:2

U Yobu akaba na bana abalumendo seveni na bana abalindu batatu.

Yesaya 13:18

Ubwele bwabo bukwiza pakubaghogha abalumendo, batakwiza pakubapelelagha ichisa ababonda, pamo pakuba nichililizi na bana.

Yesaya 8:18

Ane indipano, poka nabana babo u Mwene ampiye. Twe vimanyilo ni vyakuswighisya muchisu icha Izilayeli ukufuma kwa Mwene Uwamaka Ghosi, yuyo akwikala Pighamba ilya Ziyoni.

Ukukumbusya Amalamulo 28:11

U Mwene akwiza pakubasaya ni vintu ivyiza nkani muchisu chicho akabalayizya abanyenya binyu pakubapa abana abinji nkani, ni vitekwa ivyinji, sona ni nyinulo inyinji nkani.

Ukukumbusya Amalamulo 28:4

U Mwene abasaye na bana abinji nkani, ni nyinulo iya mumaghunda ghinyu, sona abape ing'ombe ni ng'ozi inyinji nkani.

Abalongi 12:9

U Ibizani akaba na bana abalumendo 30, na abana abalindu 30. Abana bache abalindu bala, bakasendwa ku banavuli abaluko ulunji. Abana bache abalumendo akabasendela abakolo 30 abaluko ulunji pakuba bachi babo. U Ibizani akaba mulongi uwa ba Izilayeli amaka 7.

1 Samuweli 1:27

Umwana yunuyu nkamulaba kwa Mwene, po u Mwene ampiye chicho nkamulaba.