Masalimo 126:3 - IBAYIBOLO 2024

³ U Mwene atubombela ivintu ivikulu nkani, po twahoboka nkani.

Masalimo 126:3 Iomraidhean Croise

Masalimo 18:50

Akumwavwanga u mwene wache ukuti apotaye, akumupelelagha ichisa umupakiwa wache, u Devedi poka na baluko lwache bwila na bwila.

Masalimo 31:19

Ubwiza bwako bukulu nkani, bubo ubasungiye babo bakukwivwila. Ukubalanjizya ubwiza bunubu abantu babo bakuchimbilila kukwako, sona umuntu wesi azyennya zinizi.

Masalimo 68:22

U Mwene akuti, “Nkwiza pakwiza na balwani bane ukufuma ku Bashani, nkwiza pakubanyosezya munyanja inyibizu.

Yesaya 25:9

Pisiku lilalila abantu bakwiza pakunena ukuti, “Naloli uyu we Chala witu, tukamusubila po akatupoka. Uyu we Mwene yuyo tukamusubila, zagha tusekelaye nukuhoboka pachifukwa icha kutupoka.”

Yesaya 66:14

Nanti mwazyennya zinizi, amoyo ghinyu ghakwiza pakusekela, sona mukwiza pakulemba ngati lisote, inyobe iya Mwene, yikwiza pakumanyikwa kubabombi bache, loli akwiza pakubakalalila abalwani bache.

Yoweli 2:20

“Nkwiza pakubachimbizizya kubutali nkani abasilikali abakumitu, nukubachimbizizya kuchisu ichumizu sona chicho chite ni mboto. Abantu bache babo balongoleye nkwiza pakubachimbizizya ku Nyanja Imfwe iyakubufumilo bwizuba, bope abakwisinda nkwiza pakubachimbizizya ku Nyanja iya Medeteleniya. Amabili ghabo ghakwiza pakununka, naloliloli nkwiza pakubanangannya, pachifukwa icha vintu ivikulu vivyo babomba.

Yoweli 2:21

“Wee chisu, utakanyilaye awe hobokagha sona sekelagha. Pakuti u Mwene abomba ivintu ivikulu nkani.

Luka 1:46

U Maliya akati, “Umoyo wane ghukumupala u Mwene;

Luka 1:49

pachifukwa icha vintu ivikulu vivyo u Chala Uwamaka ambombela. Itabwa lyache lizelu;

Ubuvumbuli 12:10

Po nkivwa izyu ilya pamwanya kumwanya likuti, “Losi ulu u Chala alanjizya ubupoki, amaka nu bumwene bwache nu bulaghili ubwa Mesiya wache yula. Pakuti yuyo akimilila pamaso pa Chala witu nukubasusya abakamu bitu umusanya nu busiku bamusumbila pasi.