Masalimo 126:2 - IBAYIBOLO 2024

² Po tukaseka, sona tukalulutila nu buhobosu, Po abantu aba inko izinji bakati, “U Mwene ababombeye ivintu ivikulu nkani.”

Masalimo 126:2 Iomraidhean Croise

Ezila 3:11

Bakimbagha inyimbo izyakumupala nukumupalizya u Mwene bakatinji, “U Mwene mwiza, sona ulughano lwache paba Izilayeli lwa bwila na bwila.” Po abantu bosi bakakolomoka nkani pakumupala u Mwene, pachifukwa ichakuti imbombo iyakwala ulwalo ulwa Nyumba iya Mwene yikanda.

Nehemiya 6:16

Bo abalwani bitu bosi, sona ninko impalamani bivwa zinizi, bakanyila nkani, sona amaka ghakabawila, pachifukwa ichakuti bakazyaghannya ukuti u Chala akaba weyuyo akatwavwa pakubomba imbombo yiniyi.

Yobu 8:21

Akwiza pakukusesya, po ukwiza pakukolomoka pachifukwa icha kuhoboka.

Masalimo 14:7

Mwee nalondagha nkani, ngali ubupoki ubwa Izilayeli bukufumila ku Ziyoni! Bo u Mwene akubapela abantu bache, ukuti ivintu vibendelaye sona akiza, u Yakobo asekelaye, sona wepe u Izilayeli ahobokaye!

Masalimo 51:14

Wee Chala Umupoki wane, umpokaye munyobe izya bantu abaghoghi, po nkwiza pakukwimbila pachifukwa ichakuti we mugholosu.

Masalimo 53:6

Mwee nalondagha nkani ngali ubupoki ubwa Izilayeli bukufumila ku Ziyoni! Bo u Chala akubapela abantu bache, ukuti ivintu vibendelaye sona akiza, u Yakobo asekelaye, sona wepe u Izilayeli ahobokaye.

Masalimo 71:19

Wee Chala, ubugholosu bwako bwafika mupaka ko kumwanya, sona wabomba ivintu ivikulu nkani, Wee Chala, nkimba wewenu ayanite nawe?

Yesaya 35:10

Abapokiwa aba Mwene bakwiza pakunyokela, bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Yesaya 51:11

Abapokiwa aba Mwene bakwiza pakunyokela. Bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Yelemiya 31:7

U Mwene akuti, “Mumwimbilaye u Yakobo umwabuhobosu, mukolomokaye pachifukwa icha luko lulo luchilite inko zyosi. Mumwimbilaye bo mukumupala mukuti, ‘Wee Mwene, bapoke abantu bako, aba Izilayeli abakusyalako.’

Yelemiya 33:11

amazyu agha buhobosu nulusekelo, na mazyu agha bantu babo bali palusekelo ulwa sendwa iya mulindu nu mulumendo, sona ninyimbo izya babo bakubika ivyakwiyipa ivyakupalizikizya mu Nyumba iya Mwene ivyakuti, ‘Mumupalizyanje u Mwene Uwamaka Ghosi pakuti u Mwene mwiza, ulughano lwache lwa bwila na bwila.’ Pakuti nkwiza pakuchinyosezya ichisu ubwiza bwache ngati mumo bukabela kale.

Ezekiyeli 36:36

Po inko zizyo zisyeteko umwakubazyungulila zikwiza pakumanya ukuti ane ne Mwene nazenga vivyo vikananganika nukubyalamo sona muchisu chicho chikaba chisami. U Mwene anena sona nkwiza pakuzibomba.’

Ukubelengiwa 23:23

Ghatalipo amayele naghamoghamo aghakumunanga u Yakobo, sona ivipandwa ivyakumuvulazya u Izilayeli. Nizya Yakobo nu Izilayeli abantu bakuti, ‘Ennya zizyo u Chala abomba!’

Aba Loma 11:15

Nanti abantu aba muchisu ichapasi bakasayana nu Chala pachifukwa ichakuti akabakana aba Yuda, nkimba kukwiza pakuba bulibuli bo bakupokeliwa sona? Kukwiza pakuba ngati bo bantu abafwe, babo bazyuka kubufwe.