Masalimo 125:5 - IBAYIBOLO 2024

⁵ Loli babo bakweghelela inkalo inyonganu, u Mwene akwiza pakubachimbizya poka na babomba mbibi. Mu Izilayeli mubanje umutende.

Masalimo 125:5 Iomraidhean Croise

2 Samuweli 22:22

Pakuti nazikonkagha indaghilo izya Mwene, sona ntabombitepo nayimo imbibi nukumukana u Chala wane.

Yobu 23:11

Inyayo zyane zikukanya munyayo zyache, sona intakupaghukila kundilo pamo kumongo.

Masalimo 101:3

Ntakwiza pakughitikizya amaso ghane, pakwennya ivintu ivyamwalwemwalwe. Izibengite nkani imbombo izya bantu babo te basubiliwa. Zinizi zitakwiza pakumamatila.

Masalimo 128:6

Ubanje nubumi ubutali, umwakuti ubennye abanyenya bako. Mu Izilayeli mubanje umutende.

Masalimo 40:4

Musayiwa umuntu yuyo amusubiye u Mwene wache, yuyo atakubadepukila abantu abakwituvya, kubabo bakupulumpila ku bachala abamyasi.

Masalimo 92:10

Loli waghakwezya amaka ghane ngati lupembe ulwa mpogho, wapungulila amafuta gha syunguti pamutu wane.

Masalimo 92:7

Napapo abantu ababibi bakumela ngati lisote, sona ababibi bakulama ngati bwezya abantu banaba bakwiza pakunyunkuliwa ngati lisote.

Masalimo 92:8

Loli awe we Mwene upaliwanje bwila na bwila.

Masalimo 94:4

Bakwituvya, sona ababomba mbibi bakwikwezya.

Ivyili 14:14

Umuntu umubibi akupokelagha umuvwalo ukuyana ni nkalo yache, loli umuntu umwiza akupokelagha umuvwalo ukuyana ni mbombo zyache.

Ivyili 2:15

Izila zyabo zitagholokite, sona izila zyabo nchevu nkani.

Ivyili 21:16

Umuntu yuyo akuyisulannya izila iya muntu uwamahala, akwinjila mukabukatila aka bantu abafwe.

Yesaya 54:10

Napapo amaghamba ghanganeng'ena, sona nutumaghamba tungefeziwapo loli ulughano lwane papako, lulo lutakupotwapo nalumo lutakwiza pakuneng'ena, pamo ulufingo lwane ulwa mutende lutangefiwapo.” Momumo akunenela u Mwene, yuyo ali ni chililizi nawe.

Yesaya 54:13

Abana bako bosi bakwiza pakumanyisiwa nu Mwene, sona bakwiza pakwikala mumutende.

Yesaya 59:8

Izila iya mutende batayimenye, mute ubwanaloli muzila zyabo. Izila zyabo bazipela pakuba nyonganu, wesi yuyo akwendamo atakwiza pakughumanya umutende.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Ezekiyeli 37:26

Nkwiza pakufingana nabo ukuti bikalaye mumutende, lukwiza pakuba lufingo ulwa bwila na bwila. Nkwiza pakubikazikizya nukubabalizya nukubika Inyumba yane pakasi papabo bwila na bwila.

Hoseya 2:18

Mumasiku ghalaghala nkwiza pakufinga ulufingo ni vinyamana ivyamunkolongo, ni viyuni, sona ni vinyamana vivyo vikwavula. Nkwiza pakumazya ubwele, na bapanga, sona nu bwite, umwakuti bikalaye umwakufwasa.

Zefaniya 1:6

Nkwiza pakubanangannya abantu babo bakukana pakumukonka u Mwene sona babo batakumulondelezya pamo pakumubuzikizya u Mwene.”

Matayi 7:23

Po nkwiza pakubabuzya ukuti, ‘Ntabamenye nalumo, epapo, mwe bantu ababibi amwe!’

Luka 11:25

Po ghukunyokela nukuyagha inyumba yila yite nako kamo mukasi, sona yiswepite nukuyaniziwa akiza.

Yohani 14:27

“Nkubalekela umutende. Nkubapa umutende wane. Intakubapa ukuyana namumo ichisu ichapasi chikupelela umutende. Mutakapasyanje mumoyo ghinyu, sona mutakanyilaye.

Aba Galatiya 6:16

Umutende ni chisa ivyakufuma kwa Chala vibanje na bosi babo bakwenda muzila yiniyi, poka na bantu bosi abenecho aba Chala.

Aba Filipi 2:15

umwakuti mubanje bantu abazelu, sona abasita nongwa, nukuba bana aba Chala abasita chilema nachimochimo, babo bakwikala muchisu icha bantu abankulilo mbibi. Mubaghiye mulamaye muchisu ichapasi ukuyana namumo intondwa zikulamila kumwanya,

Aba Hebeli 10:38

Abantu bane abagholosu bakwiza pakuba nubumi pakusubila. Loli nanti yumo mumwabo akunyokela kwisinda, ntakwiza pakuhoboka nawe.”

1 Pitala 1:2

U Tata u Chala akabasalila zila ukuyana ni mbatiko zyache. Akabapaghula pakuba bantu abazelu mwa Muzimu Umuzelu, umwakuti mumwivwile u Yesu Kilisitu, sona nukuswefyiwa ni banda lyache. U Chala abizuzye ni chisa nu mutende.