Masalimo 124:4 - IBAYIBOLO 2024

⁴ ngali amizi aghakwizula ghatubukizya, sona ngali amizi ghatudwibizya,

Masalimo 124:4 Iomraidhean Croise

Yobu 22:11

Ichi cho chifukwa kuli ichisi umwakuti ukupotwa pakwennya, sona amizi ghakwibizya.

Masalimo 144:7

Gholosezya inyobe yako pachisu ichapasi, po umpoke kumizi aghamaka. Sona umpoke munyobe izya bayeni.

Masalimo 18:4

Impote izya bufwe zyampinya, sona amayigha aghakunangannya ghanyibizya.

Masalimo 18:5

Impote izya lipumpa zyampinya, sona ubufwe bukuntegha ni vipingo.

Masalimo 32:6

Cho chifukwa umuntu wesi yuyo musubiliwa iputaye kukwako nanti akabalilo akantamyo kafikila, amizi aghakwizula ghatakwiza pakubabukizya,

Masalimo 42:7

Amizi amibizu ghakwitizannya, bo amizi ghakupoma nkani. Amayigha ghako aghakoghofya ghope ghankupikila.

Masalimo 42:8

Loli u Mwene akungana nu lughano lwache isiku ni siku, cho chifukwa pabusiku nkwimba ulwimbo nukumwiputa u Chala yuyo ampiye ubumi.

Masalimo 69:15

Utakitikizyanje amizi aghakwizula ukuti ghandwibizye, pamo ukuti inyanja inyibizu yindwibizye, pamo ukuti ninjile mwipumpa.

Masalimo 69:2

Nkudwiba mumatope mumo pate na pakukanyapo, Nadwiba mumizi amibizu nkani, sona amayigha ghope ghakundwibizya.

Yesaya 28:2

Ennya, u Mwene ali nawe yumo yuyo ali na maka nkani. Ali ngati vula iya mabwe ni mpepo iya kunangannya, ali ngati vula yiyo yikutima bulo, sona na mizi aghakwizula ghagho ghakubukizya vyosi.

Yesaya 59:19

Ukwanda kubwinjililo bwizuba, abantu bakwiza pakulinyila itabwa ilya Mwene, sona kubufumilo bwizuba, bakwiza pakubuchindika ubuchindamu bwache. Pakuti u Mwene akwiza ngati lusoko lulo lwizuye, lulo umuyi uwa Mwene ghukuluchimbizya.

Daniyeli 9:26

Bo ghachilapo amaka 7 aghatubalilo aka 62, umupakiwa yula akwiza pakughoghiwa sona atakwiza pakusenda ichintu nachimochimo. Umulongozi poka na basilikali ababwite bakwiza pakukanangannya akaya akakulu nkani kala poka nu Buzilo Ubuzelu. Ubumalilo bwache bukwiza pakuba ngati ko kwizula ukwa mizi. Ubwite bukwiza pakubangako mupaka bo bumalilo bwache. Vinivi u Chala aviyanizizye zila.

Ubuvumbuli 17:1

Po weka uwa bantumi seveni, babo bakakupula vivyo vikaba mumbako seveni bala bakiza nukunena nane ukuti, “Zagha, nkwiza pakukulanjizya namumo umalaya umumanyikwe, yuyo ikaye pamizi aminji nkani, akwiza pakufundiliwa.

Ubuvumbuli 17:15

Po uwantumi akanena sona kukwane akati, “Amizi ghagho ukaghennya papo umukolo umalaya yula akikalaghapo bo abantu aba inko zyosi na bavikolo vyosi sona na baneno izyakulekanalekana.