Masalimo 123:4 - IBAYIBOLO 2024

⁴ Abantu abakwituvya bakutuseka akabalilo akatali nkani, sona bope abantu abakwitutumula bakutobezya nkani.

Masalimo 123:4 Iomraidhean Croise

Nehemiya 2:19

Loli bo u Sanibalati uwamu Holoni nu Tobiya umu Amoni, sona nu Geshemu umu Alabu bivwa zinizi, bakatuseka nukutobezya ukuti, “Nkimba mukubomba ichoni? Nkimba mumusambukiye u mwene?”

Yobu 12:5

Umuntu yuyo ali pabwiza akumobezya uwamwabo yuyo ali muntamyo zizyo zikumuwila umuntu yuyo atyelemukite kale.

Yobu 16:4

Nane bulo ngali nanenagha ngati mwemwe nanti mukabanga ngati mumo imbeleye. Ngali nanenagha akiza nkani umwakususannya namwe nukubapukunizizya umutu.

Masalimo 119:51

Abantu abamituvyo bakunyobezya umwakufikapo, loli intakululekapo ululaghilo lwako.

Yesaya 32:11

Tetemagha amwe mwebakolo mwemwifwasiye bulo, amwe mwe balindu mwe mutakupasya nachimo. Vula amenda ghinyu, nukuvwala amasaka mumisana ghinyu pachifukwa icha chitima.

Yesaya 32:9

Amwe mwe bakolo mwe mwifwasiye bulo, nyamuka nukunteghelezya, amwe mwebana abalindu mwe mutakupasya nachimo, teghelezya zizyo nkunena!

Yelemiya 48:11

U Mwene akuti, “U Mowabu ame pamutende ukwanda pabulumendo bwache, ngati bwalwa bubo butikaye nkani mumasika ghache, bubo butapunguliwe musonta yimo nukwinjila musonta iyinji, atabukiteko kubuzya. Po inkalo yache yili ngati mumo yikabela, sona umunusi wache ghuli ngati mumo ghukabela.

Yelemiya 48:27

Nkimba aba Izilayeli batakaba bakusekiwa kukwinyu? Nkimba akalemiwa pakasi pabiba, bo mukupukuzya imitu yinyu pakubasamula, akabalilo kosi kako mukumunena?

Yelemiya 48:29

“Twivuye nizya mituvyo agha Mowabu, bakwitutumula naloli, bamituvyo sona bamatata, bakwiyennya sona bamadinko.

Amosi 6:1

Chighune ku mwe mufwasite mu Ziyoni, mwe muli mumutende mwighamba ilya Samaliya! Chighune ku mwe baluko ulumanyikwe, kuko aba Izilayeli bakubukako ukuti bavwiliziwe!

Imbombo 17:21

(Pakuti abantu bosi aba mu Ateni na bayeni babo bakikalagha mulamula batakaba na kabalilo akakubombela izinji, loli kwene ukunena nukuteghelezya ivintu ivipya.)

Imbombo 17:32

Bo bivwa u Pabuli akunena nizya kuzyuka kubufwe, bamo bakazisenda ngati po zyalwangalo, loli abanji bakati, “Tukulonda tukwivwe ukunena sona nizya zinizi.”

Imbombo 26:24

Bo u Pabuli akwiyimila mwene bunubu, u Fesita akanena na mazyu agha pamwanya akati, “Wee Pabuli, upenite bati! Ukumanyila kwako ukwapamwanya, kwakupennya.”

1 Aba Kolinti 4:13

bo tukusamuliwa, aswe tukwamula na mazyu amiza. Mupaka nilelo bulo, tukupimiwa pakuba twe vinyazu ivya muchisu ichapasi, sona ngati twe mintu iya muchisu ichapasi.

1 Samuweli 17:42

Bo umu Filisiti amwennya u Devedi yula, akanda pakumusamula, pachifukwa ichakuti akaba muchesamile, sona uwakuboneka akiza nkani.