Masalimo 123:3 - IBAYIBOLO 2024

³ Wee Mwene, ubanje naswe ni chisa, sona utupelelaye ichisa, pakuti twasamuliwa nkani akabalilo akatali.

Masalimo 123:3 Iomraidhean Croise

2 Samuweli 6:16

Bo Ibokosi ilya Lufingo ilya Mwene likwinjila mukaya akakulu aka Devedi, u Mikali umwana umulindu uwa Sabuli akananamizya pibwindo. Bo amwennya u mwene u Devedi akunyelanyela nukwimba pamaso pa Mwene, akanda pakumusamula mumoyo wache.

2 Abamwene 19:3

Bakamubuzya u Yesaya bakati, “Izi zyo zizyo u Hezekiya anena ukuti, isiku ili lisiku ilya ntamyo, ilya kuchemeliwa nukukoziwa isoni ngati bo bana bafika pakabalilo kakupapiwa loli amaka aghakubapapila naghamo.

Yobu 19:15

Abayeni bane na bambombo bane abalindu bakumpima ngati po ne muyeni, sona bakunyennya ngati po ne mwendazila.

Masalimo 4:1

Wee Chala wane umugholosu unyamule bo nkukwitizya. Unyavwe nanti nkukomana na mayimba, sona umpelelaye ichisa nukulwivwa ulwiputo lwane.

Masalimo 57:1

Wee Chala, umpelele ichisa, sona banga ni chisa nane, pakuti nkuchimbilila kukwako. Nkwiza pakuponela kusi kuvipapande vyako, mupaka ukankungu uwakunangannya adumusannye.

Yesaya 53:3

Akasamuliwa nukukaniwa na bantu, umuntu uwa chitima, sona nu wakwizubizannya na mayimba. Akaba ngati yuyo muntu bamuvwinka kumaso, akasamuliwa sona tutakamuchindika.

Nkuto 3:30

Muleke amupanje ulusaya umuntu yuyo angamukoma, umwakuti akoziwanje isoni.

Ezekiyeli 36:15

Ntakwiza pakubapela ukuti mwivwanje intuko izya inko, sona mutakwiza pakusekiwa na bantu pamo pakuzipela inko zyinyu ukuti ziwe, u Mwene Uwamaka Ghosi anena.’ ”

Ezekiyeli 36:6

Polelo laghula ukuyana ni chisu icha Izilayeli nukunena kumaghamba na kutughamba, kutusoko na kumakombe ukuti: U Mwene Uwamaka Ghosi ati: Nkunena mubukali sona nu moyo wakabini pachifukwa ichakuti aba inko bakubangalila sona bakubasamula.

Luka 16:14

Bo aba Falisayi bivwa zyosi zinizi, bakamobezya u Yesu pakuti bakazighana nkani indalama.

Luka 23:35

Abantu bakimilila palapala pakwennya bo abalongozi aba Chiyuda bakumobezya u Yesu ukuti, “Akabapokagha abantu abanji, muleke wepe ipoke mwene nanti we Kilisitu yuyo u Chala akamusala.”