Masalimo 122:6 - IBAYIBOLO 2024

⁶ Mwiputilaye umutende uwamu Yelusalemu mutinji, “Abantu babo bakughanite ivintu vibendelaye akiza.

Masalimo 122:6 Iomraidhean Croise

Ubwandilo 12:3

Nkwiza pakubasaya bosi babo bakukusaya. Loli bosi babo bakukughuna nane nkwiza pakubaghuna. Inko zyosi pachisu ichapasi nkwiza pakuzisaya ukwendela mumwako.”

Nehemiya 11:1

Pakabalilo kalakala abalongozi aba bantu bakikalana mu Yelusalemu, loli abantu abanji bosi bakabomba amayele ukuti basendepo ichigaba choka pa vigaba teni ivya bantu umwakuti babukaye pakwikala mu Yelusalemu mukaya akakulu nkani akazelu, po ivigaba nayini ivya bantu basyalikile mutwaya twabo utukulu.

Nehemiya 11:2

Abantu bala bakabapala abantu bosi babo bakitika pakwikala mu Yelusalemu mubwighane bwabo.

Esitele 4:8

U Molodikayi akamupa sona ukalata yuyo akanenagha nizya kughoghiwa ukwa ba Yuda bosi, yuyo akafumuziwa mukaya akakulu nkani aka Susa. Akamulaba ukuti amulanjizye u Esitele ukalata yula nukumupangila zyosi zinizi sona nukumulaba ukuti abuke kwa mwene pakumulambilizya ukuti abapelelaye ichisa abantu bache.

Masalimo 51:18

Ubabombelaye ubwiza abantu aba mu Ziyoni, zengagha sona ulupaso ulwa Yelusalemu.

Yesaya 62:7

utakamupanje ubutuzyo mupaka amwikazye sona u Yelusalemu, nukukapela pakuba kakupaliwa muchisu chosi ichapasi.

Yesaya 66:10

“Sekelagha poka nu Yelusalemu, sona muhobokaye nawe, mwebosi mwe mumughanite, sekelagha nkani mwebosi, mwe mukumulilila.

Yelemiya 29:7

Mukalondelaye umutende sona nukuti ivintu vikendelaye akiza akaya akakulu nkani kuko imbasendeyeko pakuba bazya. Mukiputilaye kwa Mwene, pachifukwa ichakuti nanti akaya akakulu kala ivintu vikukendela akiza, namwe bulo ivintu vikwiza pakubendela akiza.”

Yelemiya 51:50

U Mwene akubabuzya abantu bache mu Babiloni akuti, “Amwe mwe mwapona kubwite, mubukaye, sona mutakazyelaye! Mumukumbukaye u Mwene napapo muli kuchisu icha kubutali sona mukinong'onaye akaya akakulu nkani aka Yelusalemu.

Ukubelengiwa 24:9

Mukwiza pakuba ngati nkalamu, inkalamu inkolo, nkimba wewenu angachela pakukulamusya? Musayiwa umuntu yuyo akubasaya, mughuniwa umuntu yuyo akubaghuna.”

Yohani 17:21

Nkubiputila ukuti bosi babanje muntu weka. Wee Tata, ubapelaye ukuti babanje mumwitu ukuyana namumo awe uli mumwane, nane indi mumwako. Babanje muntu weka, umwakuti abantu aba muchisu ichapasi basubile ukuti awe wewe ukantuma.

Aba Efeso 4:3

Muyezyanje nkani pakusunga ubupoka bwinyu bubo bukufuma kwa Muzimu Umuzelu ukwendela mumutende, ghugho ghukubapinyannya poka.

2 Aba Tesalonika 3:16

U Mwene, umwenecho uwa mutende abapanje umutende pakabalilo kosi, sona na muzila zyosi. U Mwene abanje namwe mwebosi.

1 Yohani 3:14

Tuzimenye ukuti twepamo mu bufwe, twikwinjila mubumi, pachifukwa ichakuti tubaghanite abakamu bitu. Umuntu wesi yuyo atakumughana umukamu wache achili ali mu bufwe.

1 Samuweli 12:23

Ane ntakulonda ukuti imunangile u Mwene pakukana pakubiputila. Loli nkwiza pakubamanyisya chicho chiza sona chigholosu.