Masalimo 120:6 - IBAYIBOLO 2024

⁶ Nikala akabalilo akatali nkani, pakasi pabantu babo baghubengite umutende.

Masalimo 120:6 Iomraidhean Croise

Masalimo 57:4

Indi pakasi pa nkalamu, sona indambalaye pakasi pa vinyamana ivyakoghofya. Banaba bo bantu babo bali na mino ngati zyo mpalala nu tulasilo, sona zyope indimi zyabo zikwete nkani ngati bapanga.

Ezekiyeli 2:6

Sona nawe we mwana uwa muntu utakabanyilaye, utakanyilaye, napapo abantolovu namivwa vikuzyunguliye sona ukwikala pakasi pabankonya. Utakanyilaye zizyo bakunena pamo bakukoghofya, napapo abamunyumba iyakusambuka.

Matayi 10:16

“Ivwa kuno! Nkubatuma amwe ngati zyo ng'ozi pakasi pa mpumpi. Po mubanje mwe bachevu ngati yo njoka, sona mubanje bololo ngati yo nkunda.

Matayi 10:36

Abalwani aba muntu bakwiza pakuba bantu abamunyumba yache.

Titi 3:3

Pakuti naswe bulo akabalilo kamo tukaba bapunganu, abasita ukwivwila, sona na bakusobela. Tukaba bazya aba vinyonywa ivibibi, sona ni vintu vyosi ivyakulekanalekana ivyakuhobosya umubili. Tukalindagha mumbibi na mukabini. Abantu abanji bakatubenga, sona naswe bulo tukababenga.