Masalimo 12:2 - IBAYIBOLO 2024

² Umuntu wesi akutamanta ku mupalamani wache, sona akumuzimbula na mazyu amanonu.

Masalimo 12:2 Iomraidhean Croise

1 Imbili 12:33

Aba Zebuloni bakabapo abasilikali 50,000, babo bakamanya pakulwa ubwite pakubombezya ivilwilo ivyakulekanalekana pakumwavwa u Devedi.

Masalimo 10:7

Mumulomo wache mwizuye vyo vighune, nu bumyasi, na mazyu amababe. Ululimi lwache lope lukwiza pakubapelela bulo abanji intamyo, sona ni mbibi.

Masalimo 116:11

Bo indi nubogha ubukulu nkani nkati, “Abantu bosi bamyasi.”

Masalimo 144:11

Mpoka munyobe izya bayeni, mumulomo wabo muzuye ubumyasi bwene, sona bakulapa bo bumyasi bwene.

Masalimo 144:8

Abantu banaba mumulomo wabo mwizuye ubumyasi bwene, sona bakulapa bo bumyasi bwene.

Masalimo 28:3

Utakanyefyezyanje poka na bantu ababibi, babo bakubomba ivintu ivibibi. Abantu banaba bakunenagha amazyu amiza ku bapalamani babo, loli mumoyo ghabo mwizuye nu lubengo.

Masalimo 38:12

Abantu babo bakubulondelezya ubumi bwane bakuntegha, abantu babo bakulonda pakumvulazya bakunena nizya ukunangannya, akabalilo kosi bakubatika nizya kumbombela ububibi.

Masalimo 41:6

Nanti umuntu yumo akwiza pakunyennya, atakwiza nu moyo uwanaloli, po nanti epapo akwanda pakufumusya ipangwi ibibi.

Masalimo 5:9

Pakuti amazyu ghabo ghate masubiliwa napo panandi, sona amoyo ghabo ghizuye ni vintu ivyakunangannya bulo. Amamilo ghabo mighuke ngati gho mapumpa, sona indimi zyabo zikunena bo bumyasi bwene.

Masalimo 55:21

Amazyu ghache matonte nkani ngati mafuta agha lukama, loli mumoyo wache muli ubwite. Amazyu ghache matonte nkani ukuchila amafuta loli ghayanite bulo na bapanga.

Masalimo 59:12

Amituvyo ghabo ghabanje chipingo chabo, pachifukwa icha mbibi izya pamilomo yabo na mazyu agha pamalomo ghabo, sona na pachifukwa ichakuti bakunena ubumyasi nukubaghuna abanji.

Masalimo 62:4

Bakalondagha bulo pakumunyunkula pabuzilo bwache ubwa buchindamu, sona bakuhoboka nkani nanti bakunena ubumyasi. Bakusaya nu mulomo wabo, loli mukasi mumoyo ghabo bakughuna.

Ivyili 20:19

Umwendanato akuvumbula ivya kubusyefu, po umuleghukaye umwendanato yulayula.

Ivyili 20:6

Abantu abinji bakwipimagha bene pakuba basubiliwa, po nkimba wewenu yuyo angamwagha umuntu umusubiliwa?

Ivyili 29:5

Umuntu yuyo akumuchevya umupalamani wache, akwitegha mwene muchipingo.

Yelemiya 7:28

Polelo ubabuzye ukuti, ‘Ulu lo luko ulwa bantu babo batakaghitika amazyu agha Mwene u Chala wabo, pamo ukwitika ukunanga kwabo. Ubwanaloli butalipo pakasi papabo, sona butakwivwikapo pamilomo yabo.

Yelemiya 9:8

Ululimi lwabo luli ngati kalasilo akakughogha, lukunena izyabumyasi. Numulomo wache akunena nulughano ku mupalamani wache, loli mumoyo wache, akumutegha nakapingo.

Ezekiyeli 12:24

Pakuti vitakwiza pakubako ivisetuka ivyabumyasi pamo ubulaghuzi ubwakubasobezya abantu aba mu Izilayeli.

Mika 7:2

Abantu abakumwiputa u Chala bamalamo muchisu ichapasi, mutasyalamo nayumoyumo umuntu umusubiliwa. Abantu bosi bakuvwamilila pakukupula ibanda, umuntu wesi akumuvwima umukamu wache, ngati chinyamana chicho bakuchichimbizizya ku chilepa.

Aba Loma 16:18

Pakuti abantu banaba batakumubombela u Mwene witu u Kilisitu, loli bakuvibombela ivinyonywa vyabo. Sona na mazyu ghabo manoni, sona mazimbuli bakubazimbula abantu babo batamenye nachimochimo.

1 Aba Tesalonika 2:5

Muzimenye akiza nkani ukuti tutakiza kukwinyu ni sunga, pamo nu moyo uwakukabilapo, awe. U Chala we kaboni witu!

Yakobo 1:8

Pakuti umwene ali na moyo mabili, yuyo ali mumwanyamwanya bulo pavintu vyosi vivyo akubomba.