Masalimo 119:99 - IBAYIBOLO 2024

⁹⁹ Nkwivwisya nkani ukumuchila umumanyisi wane, pakuti nkwinong'ona nizya malamulo ghako.

Masalimo 119:99 Iomraidhean Croise

2 Imbili 30:22

U Hezekiya akabakazya aba Levi bosi, babo bakwivwisya pakubomba imbombo iya Mwene. Po abantu bakaba nu lusekelo amasiku seveni nukubika ivyakwiyipa ivyabupoka, po bakamupala u Mwene, u Chala uwa banyenya babo.

Masalimo 119:15

Nkwinong'onapo nkani nizya ndaghilo zyako, nukuzilolotela izila zyako.

Masalimo 119:24

Indaghilo zyako zikunhobosya nkani, pakuti zikumanyisya amahala.

Yelemiya 2:8

Abaputi batakalalusyapo ukuti, ‘Nkimba u Mwene ali kwiyi?’ Abamanyandaghilo batakamanya, abalongozi bakansambukila. Abalaghuzi bakalaghulila mwitabwa ilya chala u Baala, nukuvikonka ivifwani vivyo vite ni mbombo.”

Matayi 11:25

Pakabalilo kalakala u Yesu akati, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi.

Matayi 13:11

U Yesu akamula akati, “U Chala abavumbulila vivyo vifisiwe ivya Bumwene ubwa Kumwanya, loli abantu bosi abanji, awe.

Matayi 15:14

Baleke bene bulo, abafwamaso banaba, abalongozi aba bafwamaso. Nanti umufwamaso akulongozya umufwamaso uwamwabo, bosi babili bakuwila muchiliba.”

Aba Hebeli 5:12

Napapo pakabalilo aka ngali mwaba mwe bamanyisi, loli muchili mukumulonda umuntu uyunji ukuti abamanyisye sona ivimanyisyo ivyakwanda ivya mazyu agha Chala. Muchili mukunyonywa pakung'wela sona ulukama mubuzilo ubwa kulya ichakulya ichikafu.