Masalimo 119:98 - IBAYIBOLO 2024

⁹⁸ Amalamulo ghako ghakumpa amahala, ukubachila abalwani bane, pakuti akabalilo kosi indi nagho.

Masalimo 119:98 Iomraidhean Croise

Masalimo 119:11

Nkulisunga izyu lyako mumoyo wane, umwakuti intakakubombelaye imbibi.

Masalimo 119:30

Nasala izila iya bwanaloli. Sona nabika umoyo wane pandaghilo zyako.

Ivyili 2:6

Pakuti we Mwene yuyo akupa amahala, sona amahala nukwivwisya ivintu vyache.

Ivyili 28:5

Umuntu umubibi atakwivwisya ukuti ubugholosu cho choni, loli yuyo akubomba ubwighane ubwa Mwene akubwivwisya nkani.

Ukukumbusya Amalamulo 4:6

Mughakonkaye na moyo ghinyu ghosi pakuti ichi chikwiza pakubalanjizya abantu aba inko izinji ukuti mwe bamahala na bakwivwisya. Bo bivwa nizya ndaghilo na malamulo ghanagha bakwiza pakunena ukuti, “Naloli uluko ulukulu ulu, lo luko ulwa mahala nu lwakwivwisya.”

Ukukumbusya Amalamulo 4:8

Nkimba lulipo uluko ulunji ulwa bantu, manyi lungaba lukulu nkani, lulo luli na malamulo ni ndaghilo ingolosu izyakuyana na zizyo nkubapa ilelo?

Aba Kolosi 3:16

Amazyu agha Kilisitu ghikalaye mumoyo ghinyu umwakufikapo. Mumanyizannyanje nukusokana na mahala ghosi. Mumwimbilaye u Chala na mapalo mumoyo ghinyu, bo mukwimba inyimbo izya masalimo, ni nyimbo izya kumupala, sona ni nyimbo izya buzimu.

Yakobo 1:25

Loli nanti umuntu akuzyenelezya indaghilo izyakufikapo izya Chala, zizyo zikumusatula umuntu nukubomba zizyo amazyu ghakunena, sona atakuluvya zizyo akwivwa, naloli u Chala akwiza pakumusaya muvyosi vivyo akubomba.

1 Samuweli 18:14

U Devedi akapotagha nkani muvyosi, pachifukwa ichakuti u Mwene akaba nawe.

1 Samuweli 18:30

Abasilikali aba ba Filisiti bakabukagha pakulwa ubwite, loli akabalilo kosi u Devedi akapotagha ukughachila amakambala aghanji ghosi agha Sabuli. Po itabwa ilya Devedi likamanyikwa nkani.

1 Samuweli 18:5

Kosi kuko u Sabuli akamutumagha pakulwa ubwite, u Devedi akabapotagha abalwani bache. Po u Sabuli akamubika pakuba we songo uwa basilikali bache bosi. Ichi Chikabahobosya nkani abantu bosi, poka na makambala agha Sabuli.