Masalimo 119:9 - IBAYIBOLO 2024

⁹ Nkimba abachilumendo bangisungilila bulibuli, umwakuti babanje ni nkalo izelu? Pene papo nanti akulyivwila izyu lyako.

Masalimo 119:9 Iomraidhean Croise

2 Imbili 6:16

“Wee Mwene, u Chala uwa Izilayeli, ilelo kwanilisya zizyo ukamulayizya umubombi wako utata wane u Devedi, bo ukumubuzya ukuti, ‘Utakwiza pakusobelwapo nalumolumo umuntu uwakwikala pamaso papane pachitengo icha bumwene mu Izilayeli, nanti abana bako bakubomba akiza pakuzikonka indaghilo zyane ngati mumo wabombelagha.’

Yobu 1:5

Bo amasiku agha lusekelo ghamala, u Yobu akabukagha na bana bache pakubaswefya. Pandabindabi akabikagha ichakwiyipa ichakocha icha mwana wesi pakuti akinong'onagha ukuti, “Lumo abana bane banangite nukumusamula u Chala umwakusita kumanya.” U Yobu akabombagha ulwiho ulu bwila na bwila.

Yobu 13:26

Pakuti ukusimba ivintu ivyakubaba ivyakususannya nane nukumpela ukuti impyanaye imbibi izya ku bulumendo bwane.

Masalimo 119:11

Nkulisunga izyu lyako mumoyo wane, umwakuti intakakubombelaye imbibi.

Masalimo 17:4

Intakubomba imbibi ngati mumo bakubombelagha abanji. Naghivwila amalamulo ghako, sona intakubomba ngati mumo bakubombelagha abantu abavyongo.

Masalimo 25:7

Wee Mwene, utakazikumbukaye imbibi zizyo nkabomba bo indi mulumendo, sona utakakukumbukaye ukunanga kwane. Nkumbukaye mulughano lwako lulo lutakupotwa nalumolumo pakuti we mwiza.

Masalimo 34:11

Mwee bana bane, zagha munteghelezyanje, po nkwiza pakubamanyisya pakumunyila u Mwene.

Ivyili 1:10

Wee mwana wane, nanti abantu abambibi bakukudeba, utakabitikizyanje.

Ivyili 1:4

pakuti babo batamanyiye bapokelaye amahala, sona abalumendo bakwiza pakukaba ubumanyi ubwiza.

Ivyili 2:11

Amahala nu bumanyi vikwiza pakukupoka sona ubumanyi bukwiza pakukusungilila.

Ivyili 4:1

Mwee bana bane, ivwila zizyo ughuso akubamanyisya. Teghelezya ukuti mubanje mwe bakwivwisya ivintu.

Ivyili 7:7

Po pakasi pabantu abapunganu, pakasi pa balumendo, nkamwennyapo umulumendo yuyo ate na mahala.

Umulumbilili 11:9

Wee mulumendo, uhobokaye bo uchili we mulumendo. Bombagha zizyo umoyo wako ghukulonda sona vivyo amaso ghako ghakuvyennya. Loli ukumbukaye ukuti u Chala akwiza pakukulonga pa zyosi zizyo ukubomba.

Luka 15:13

Bo ghachilapo amasiku amanandi, umwana umunandi yula akaghulizya ichigaba chimo icha chuma chache nukwepapo panyumba ni ndalama zyache. Akabuka kuchisu icha kubutali, kuko akataghila indalama zyache mubumi ubwakusita ukwipasikizya.

Yohani 15:3

Amwe mwe bapalantiwe zila pachifukwa icha mazyu ghagho nababuzizye.

Ukukumbusya Amalamulo 17:18

Bo imikiwa pabumwene bwache, asimbe mwibuku ilyache ni lyache amalamulo ghanagha, ghagho ghali mwibuku ilya malamulo, lilyo lili munyobe izya baputi, babo bo ba Levi.

2 Timoti 2:22

Leghukako kuvinyonywa ivya chilumendo, sona ubukonkaye ubugholosu nu lwitiko nu lughano nu mutende, poka na bantu babo bakumuchindika u Mwene nu moyo umuzelu.

Yoshwa 1:7

Ubanje bulo nu lweke, sona ujimbaye. Wenelezye nkani ukuti ukughakonka amalamulo ghosi ghagho umubombi wane u Mozesi akakupa. Utakachele pakupaghukila kundilo pamo kumongo, umwakuti vyosi vikwendelaye akiza kosi kuko ukubuka.