Masalimo 119:81 - IBAYIBOLO 2024

⁸¹ Umoyo wane ghukubusamba nkani ubupoki bwako, loli ane indisubiye izyu lyako.

Masalimo 119:81 Iomraidhean Croise

Yobu 19:27

Ane ne mwene nkwiza pakumwennya na maso ghane, te muntu bulo, awe. Umoyo wane ghukulinyonywa nkani pakulyennya isiku lilalila.

Masalimo 119:114

Awe we buzilo bwane ubwakuvwamilamo, sona we ngulu yane, indisubiye izyu lyako.

Masalimo 119:20

Umoyo wane wadedebala pachifukwa ichakuti, nkuzisamba indaghilo zyako akabalilo kosi.

Masalimo 119:40

Amalamulo ghako nkughasamba nkani, po umpe ubumi pachifukwa ichakuti we mugholosu.

Masalimo 119:41

Wee Mwene, ulughano lwako lubanje nane, lulo lutakupotwangapo nalumolumo. Umpoke ukuyana namumo ukandayizizya.

Masalimo 119:42

Po nkwiza pakumwamula umuntu yuyo akuntuka, pakuti indisubiye izyu lyako.

Masalimo 119:43

Nalamba utakalizompolaye izyu ilyanaloli mumulomo wane, pakuti ingasubiye amalamulo ghako.

Masalimo 119:74

Abantu babo bakukuchindika bahobokaye, bo bakunyennya, pakuti indisubiye izyu lyako.

Masalimo 119:77

Umpelele ichisa umwakuti imbanje nubumi, pakuti ululaghilo lwako lukunhobosya

Masalimo 130:5

Nu moyo wane ghosi nkukulindilila wewe Mwene, sona ingasubiye amazyu ghako.

Masalimo 73:26

Umubili wane nu moyo wane vingapotwa, loli u Chala we maka agha moyo wane, po akugabilagha ulusayo bwila na bwila.

Masalimo 84:2

Umuzimu wane ghukulusamba sona ghukululonda nkani ulubinjilo ulwa Mwene. Umoyo nu mubili wane vikumwimbila nu lusekelo u Chala uwa bumi.

Inyimbo izya Solomoni 5:8

Mwee bakolo aba mu Yelusalemu, lapa, nanti mwamwagha umughaniwa wane, mumubuzye ukuti ulughano lwantenguye nkani.