Masalimo 119:73 - IBAYIBOLO 2024

⁷³ Inyobe zyako zinkampela nukumata, po mpanga amahala aghakivwisizye aka malamulo ghako.

Masalimo 119:73 Iomraidhean Croise

1 Imbili 22:12

U Mwene akupanje amahala na kivwisizye, bo waba we mulaghili uwa aba Izilayeli, umwakuti uzikonkaye indaghilo izya Mwene u Chala wako.

2 Imbili 2:12

U Hilamu akati sona, “Apaliwanje u Mwene u Chala uwa Izilayeli, yuyo akapela kumwanya ni chisu ichapasi! Amupiye u mwene u Devedi umwana umulumendo uwamahala nu wakwivwisya, sona amenye nkani ubwafundi, yuyo akwiza pakumuzengela Inyumba u Mwene, sona nukwizengela mwene inyumba iya bumwene.

Yobu 31:15

Nkimba u Chala yuyo akampela mulwanda ulwa mayi, te weyuyo wepe akabapela? Nkimba te weyuyo akatupela aswe twebosi?

Yobu 32:8

Loli u Muzimu uwa Chala Uwamaka Ghosi, gho ghugho ghukwinjila mubantu, nukubapa amahala.

Masalimo 100:3

Muzimanye ukuti u Mwene we Chala, weyuyo akatupela, po twe bantu bache. Twe bantu bache, ing'ozi izya mudimo wache.

Masalimo 111:10

Ukumunyila u Mwene bo bwandilo ubwa mahala, bosi babo bakughakonka amalamulo ghache bakuba nubumanyi ubwakufikapo. U Mwene apaliwanje bwila na bwila.

Masalimo 119:125

Ane ne mubombi wako, mpanga amahala aghakwivwisizya, umwakuti ingamanye amalamulo ghako

Masalimo 119:144

Indaghilo zyako ngolosu bwila na bwila, umpanje amahala ukuti imbanje nubumi.

Masalimo 119:169

Wee Mwene, ukulila kwane kufike pamaso papako. Mpanga amahala aghakivwisizye, ukuyana nizyu lyako lilalila.

Masalimo 119:34

Umpe akivwisizye aka lulaghilo lwako, po nkwiza pakulusunga, sona nkwiza pakulikonka nu moyo wane ghosi.

Masalimo 138:8

U Mwene akwiza pakukwanilisya ubwighane bwache papane. Wee Mwene ulughano lwako lwa bwila na bwila, po utakazilekaye imbombo izya nyobe zyako.

Masalimo 95:6

Zagha tumulambilaye nukumwiputa, zagha tumufughamililaye u Mwene Umupeli witu.

2 Timoti 2:7

Winong'one akiza na zizyo nkunena, pakuti u Mwene akwiza pakukupa akivwisizye aka vintu vyosi vinivi.

Yakobo 3:18

Abantu abamutende babo bakapesa umutende, bakwiza pakwinula ivikomwa ivya bugholosu.

1 Yohani 5:20

Tuzimenye ukuti u Mwana uwa Chala iza, nukutupa amahala aghakivwisizye, umwakuti tumumanye yuyo wanaloli. Aswe tukwikala mukumamatilana poka nu Chala wanaloli, sona nu Mwana wache u Yesu Kilisitu. U Yesu Kilisitu we Chala wanaloli, we bumi ubwa bwila na bwila.