Masalimo 119:5 - IBAYIBOLO 2024

⁵ Nalondagha nkani ukuti ngali inkalo yane yabanga nyiza, pakughakonka amalamulo ghako.

Masalimo 119:5 Iomraidhean Croise

Masalimo 119:131

Nkwasama umulomo wane nukumilwa, nkughasamba amalamulo ghako.

Masalimo 119:159

Wee Mwene, ennya namumo izighaniye Indaghilo zyako, po ubusungaye akiza ubumi bwane, ukuyana nu lughano lwako.

Masalimo 119:173

Inyobe yako yiyannye pakunyavwa, pakuti nasala indaghilo zyako.

Masalimo 119:32

Nkwiza pakuchimbilagha mumalamulo ghako, pakuti waghusatula umoyo wane.

Masalimo 119:36

Mpanga ichinyonywa icha malamulo ghako, mubuzilo ubwa chinyonywa icha bukabi ubwa bumyasi.

Masalimo 51:10

Wee Chala, umpelele umoyo umuswepu, sona ubikayemo mukasi mumwane umuzimu umupya nu wamaka.

Yelemiya 31:33

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

2 Aba Tesalonika 3:5

U Mwene alongozye inyinong'ono zyinyu ukuti mulwivwisye ulughano ulwa Chala, sona nu bufisalyoyo ubwa Kilisitu umwakufikapo.

Aba Hebeli 13:21

U Chala abape amwe ivyiza vyosi ukuti mubombaye ubwighane bwache nukubomba mumwitu ukwendela mwa Yesu Kilisitu zizyo zikumuhobosya. Po u Kilisitu achindikiwanje bwila na bwila! Ameni!